Пижмаринская сельская библиотека - филиал № 21

Пижмаринская сельская библиотека - филиал № 21

Эзләү каталоге
Фотоконкурс

Яңалык

"Наркомания - кешелекнең дошманы" - мәгълүмат сәгате

Наркотикларга каршы айлык кысаларында "Наркомания - кешелекнең дошманы "дигән мәгълүмат сәгате үткәрелде.Чара наркоманиягә тискәре караш тәрбияләүгә ярдәм итү,балаларны зарарлы гадәтләргә каршы торырга этәрү һәм яшьләрнең сәламәтлегенә наркоманиянең тискәре йогынтысын аңлату максатында үткәрелде. Очрашу барышында наркоманиягә каршы көрәшнең кискен проблемалары күтәрелде.Китапханәче яшүсмер һәм яшүсмер чагында наркотиклар куллануның сәбәпләре, аларның организмга зарарлы йогынтысы турында сөйләде.

"Свеча памяти " - Бөтенрәсәй акциясе

22 июнь - Хәтер һәм кайгы көне. Бөек Ватан сугышында катнашкан авылдашларга куелган һәйкәл янында батырларыбызны искә алып. "Хәтер шәмнәре" кабыздык.

Табышмаклы табын" - табышмаклар кичәсе

Лагерьга йөрүче балалар белән "Табышмаклы табын" исеме астында табышмаклар кичәсе уздырылды. Китапханәче балаларгап төрле темаларга кагылышлы кызыклы табышмаклар тәкъдим итте.Алар табышмакларга бик теләп, бер - берсен уздырырга тырышып җавап бирделәр, үзләренең фикерләү сәләтен,зирәклек һәм тапкырлыкларын күрсәттеләр.

" Күңелемә якын син, туган як " - мәгълүмат сәгате

Һәр кешенең үзенең - туган һәм үскән урыны: аның йорты, шәһәре, туган ягы бар. Туган якны өйрәнү буенча укучылар өчен " Күңелемә якын син, туган як " исем астында мәгълүмат сәгате үткәрелде. Чара барышында алар авыл тарихы, авылыбызның күренекле шәхесләре, хезмәт алдынгылары, тыл ветераннары турында эшләнгән папкалар белән таныштылар, туган якка багышланган шигырьләр укыдылар

"Мин үз Ватанымны яратам" - мәгълүмат сәгате

Россия көне уңаеннан лагерьга йөрүче балалар белән "Мин үз Ватанымны яратам" исем астында мәгълүмат сәгате үткәрелде. .Аларга бу көннең тарихы турында сөйләнде, илебезнең төп символлары: герб, гимн, һәм флаг кебек төшенчәләр аңлатылды, Россия флагы ясап, буядылар, викторина сорауларына җавап бирделәр.

"Пушкин әкиятләре буйлап" - әдәби сәгать

6 июнь көн - рус теле көне һәм бөек рус язучысы А. С. Пушкинны искә алу көне уңаеннан "Пушкин әкиятләре буйлап " дип исемләнгән әдәби сәгать үткәрелде .Чарада укучылар шагыйрьнең кыскача тормыш юлы һәм иҗаты белән таныштылар, әкиятләр буенча биремнәр үтәделәр, шагыйрьнең әкиятләреннән өзекләр укыдылар.

"Сабантуй - гасырлар кайтавазы" - презентация

Татар халкының иң яраткан бәйрәме Сабантуй – бер үк вакытта борынгы һәм яңа бәйрәм, хезмәт бәйрәме дә. Милли бәйрәм уңаеннан “Сабантуй – гасырлар кайтавазы“исем астында онлайн презентация төзелеп, китапханә аккаунтында яктыртылды.

Йолаларда - рухи тәрбия - фольклор бәйрәм

Сабантуйга бирнә, бүләк җыюны һәм үзенә күрә бер кабатланмас исем белән әрәпә җыю дип атыйлар. Бу безнең миллилегебезне, гореф - гадәтебезне күрсәтә. Әрәпә - ул сабантуйө әзерлегенең бер йоласы

"Бәхетле балачак илендә" - спорт уеннары

1 июнь - Халыкара балаларны яклау көне буларак билгеләп үтелә. Шул уңайдан "Бәхетле балачак илендә" исем астында бәйрәм чарасы үткәрелде. Балалар белән бу бәйрәм көнне табигать кочагында төрле спорт уеннары белән уздырылды.

"Вечная мудрость сказок" - интеллектуаль уен

8 -9 сыйныф укучыларына “Вечная мудрость сказок” дигән интеллектуаль уен үткәрелде. Китапханәче укучыларны «әкият» төшенчәсе һәм әкият төрләре белән таныштырды. Аннары алар өчен берничә турдан торган «яраткан әкиятләр әйлән – бәйлән» уен-викторинасы уздырылды,укучылар "Әкиятне белегез», «Әкият героен белегез», «Сорау - җавап» конкурсларында катнашып, әкиятләрне һәм әкият персонажларын актив танып белделәр , үзебезнең һәм чит ил язучыларының әкиятләрен яхшы белүләрен күрсәттеләр .

"Музей - тәрбия учагы" - мәгълүмат сәгате

18 май - халыкара музейлар көне. 4-7 сыйныф укучылары белән " Музей - тәрбия учагы" исем астында мәгълүмат сәгате үткәрелде. Безнең үткән тарихыбыз музейларда саклана. Һәр экспонат тарихый яктан да, тәрбияви яктан да гаять әһәмиятле.Укучылар һәр экспонат белән якыннан таныштылар, аларга экспонатларның тарихлары сөйләнелде.

“Дәһшәтле сугыш уты белән бәйләнгән язмышлар кайтавазы” - митинг

Бөек Җиңүнең 81 еллыгы уңаеннан “Дәһшәтле сугыш уты белән бәйләнгән язмышлар кайтавазы” исем астында тантаналы митинг үткәрелде. Чарада авылның сугыш чоры балалары. Пыжмара авыл җирлеге башлыгы, "Кама" күмәк хуҗалыгы рәисе, килгән кунаклар, китапханә, клуб .Пыжмара төп гомуми белем мәктәбе коллективлары катнашты.Бәйрәм Пыжмара төп гомуми белем мәктәбе укучылары, авыл үзешчәннәре чыгышы белән үрелеп барды.

"Читаем детям о ВОВ" - Халыкара Акция

XVII Халыкара Акция "Читаем детям о ВОВ" Самара өлкәсе балалар китапханәсе тәкъдим иткән "Читаем детям о ВОВ"XVII Халыкара Акция кысаларында Бөек и Ватан сугышы турында әдәби әсәрләр буенча кычкырып уку оештырылды.

"Сад памяти" -Халыкара акция

Бөек Җиңүнең 81 еллыгы уңаеннан , Халыкара "Сад памяти" акциясенә кушылып, туган илебезнең азатлыгы өчен һәлак булганнарның исемнәрен мәңгеләштерү истәлегенә агач утырттык.

"Окна Победы" - Бөтенрәсәй акциясе

"Окна Победы" Бөтенрәсәй акциясенә катнаштык. Без тәрәзәләрне күгәрченнәр, мәңгелек ут, георгий тасмалары, салют белән бизәп, китапханә аккаунтында яктырттык.

"Тукай -халкыбыз горурлыгы " - әдәби сәгать

Бөек шагыйребез Габдулла Тукайның туган көне уңаеннан, 4, 6 сыыныф укучыларына "Тукай - халкыбыз горурлыгы" исем астында әдәби сәгать үткәрелде. Чара барышында китапханәче аларга шагыйрьнең авыр һәм кыска тормышы, иҗади язмышы турында сөйләде. Укучылар шагыйрьнең шигырьләрен, әкиятләрен укыдылар.

"Безнең хәтер.Безнең батырлык.Безнең авырту".- батырлык дәресе

19 апрель - Бөек Ватан сугышы елларында нацистлар һәм аларның булышчылары тарафыннан совет халкын геноцидлау истәлегенә Бердәм гамәлләр көне билгеләп үтелә. Истәлекле дата алдыннан китапханәдә "Безнең хәтер. Безнең батырлык. Безнең авырту" исем астында батырлык дәресе үткәрелде. Укучылар сугышның төп этаплары турында белделәр, геноцид турындагы фактлар, аның масштаблары һәм нәтиҗәләре белән таныштылар.