Акчишминская сельская библиотека - филиал № 49

Акчишминская сельская библиотека - филиал № 49

Эзләү каталоге
Фотоконкурс

Яңалык

Кече мәктәп яшендәге китап укучылар өчен тәрбия сәгате ”Мәрхәмәтле булсаң, мәртәбәле булырсың”

Инвалид-укучы Галяветдинов Рамисне Мөмкинлекләре чикле булучылар көне белән котладык, китап укучылар Рәмис белән җылы әңгәмә оештырды, укучылар үзләрен кызыксындырган сорауларны бирделәр, Рамис җавап бирде, ул тарих фәнен бик яратуын , кызыклы тарихи вакыйгалар сөйләде.

Киң катлау китап укучылар арасында “Ришвәтчелек белән очраштыңмы, аны җиңеп буламы?” исемле социаль сораштыру

Әлеге сораштыру коррупция кайсы өлкәләрдә таралганын ачыкларга, аңа каршы көрәш чараларын кайда җәелдерергә кирәклеген аңларга ярдәм итәчәк. Анкета зур түгел, әз генә вакыт эчендә барлык сорауларга да җавап биреп бетереп була.

Өлкән мәктәп яшендәге китап укучылар өчен мәгълумати - белешмә сәгате “СПИД- гасыр бәласе”

Китапханәче “ВИЧ берәүне дә аямый” исемле китап күргәзмәсе белән таныштырды. Аеруча укучыларның игътибарын “Арча хәбәрләре” газетасының 30 ноябрь санында чыккан ”Күрешүдән курыкма” исемле язмадагы Арча районы үзәк хастаханәсе врач- эпидемиологы Чулпан Ситдикова белән булган әңгәмәгә юнәлтте.

Киң катлау укучылар өчен Билгесез солдат көненә багышланган ““Ә кайда соң сезнең кабер , хәбәрсез югалганнар?” исемле сорау- күргәзмә.

Күргәзмәдә Бөек Ватан сугышы турындагы китаплар һәм Ак-Чишмә авылыннан Бөек Ватан сугышында һәлак булганнар, җирләнгән урыннары билгесез булган, солдатлар турындагы язмалар белән танышырга мөмкин

Инвалидлар ункөнлеге уңаеннан киң катлау китап укучылар өчен китап күргәзмәсе“Язмышларга буйсынмас җаннар”.

Күргәзмәдә мөмкинлекләре чикле булып та талантлары чиксез булган шәхесләр татар язучылары Фәнис Яруллин һәм Гакыйль Сәгыйровларның тормыш юлы һәм иҗатлары белән танышырга мөмкин.

Киң катлау укучылар өчен конкурс “Ягез әле, әниләр!”

Командалар матур итеп бәйрәм белән котладылар, әниләр турында бик күп җырлар башкардылар, бишек җырлары белән, әкиятләр сөйләп балаларын йоклаттылар, табышмакларга җаваплар таптылар, мәкальләр әйттеләр, бәйләнгән күз белән төрле яшелчәләрне аерып бирделәр, шигырьләр язып күрсәттеләр,

“Ут дус та, дошман да була ала”исемле белешмә мәгълүмат сәгате

Китапханәче “Ут дошманга әйләнмәсен” исемле китап күргәзмәсе белән таныштырды, катнашучыларны шәхси йортларда янгын куркынычсызлыгы кагыйдәләре белән таныштырды. Мунча мичен якканда һәрвакыт саклык чараларын төгәл үтәргә чакырды.

Киң катлау укучылар өчен “Ут белән сак булыйк!” айлыгы уңаеннан “Ут дошманга әйләнмәсен”исемле китап күргәзмәсе

Күргәзмәдә авыл җирендә янгын куркынычсызлыгы кагыйдәләре, авыл мунчасында янгын булдырмау серләре турындагы китаплар, вакытлы мәтбугатта янгынның аянычлы нәтиҗәләре, янгын белән көрәшүчеләр турындагы язмалар белән танышырга мөмкин .

Патриот-шагыйрь Муса Җәлилгә багышланган ”Җәлил укулары” шигырь конкурсы .

Китапханәче “Көчле рухлы каһарман” исемле китап күргәзмәсе белән таныштырды, Муса Җәлилнең “Кичер , Илем!” шигырен сөйләде. Укучылар сәнгатьле итеп Муса Җәлил шигырьләрен яттан сөйләделәр . Укучылар чыгышыннан соң, жюри конкурска йомгак ясады.

Кече мәктәп яшендәге китап укучылары өчен “ Китап алдым кулыма, чыктым белем юлына” дип исемләнгән библиография дәресе.

Балаларга төрле эчтәлектәге китаплар өләштем. Алар берәм-берәм күрсәтелгән биремнәрне башкардылар: күрсәтелгән китапның авторын, исемен, елын, басылган шәһәрен һәм нәшриятын табу, бу китап киштәнең кайсы бүлегендә икәнен күрсәтү.

Киң катлау укучылар өчен Татарстан халык артисты, Г. Камал исемендәге Дәүләт Академия театры актеры, РСФСРның халык артисты, СССР халык артисты, ТРның Г. Тукай ис. Дәүләт премиясе лауреаты, РСФСРның Станиславский ис.Дәүләт буләге иясе Шәүкәт Биктимеровның 90 еллыгына багышланган “Татарның сөекле Әлмәндәре” исемле китап күргәзмәсе- юбилей.

Күргәзмәдә артистның тормыш юлы, аның дәүләт бүләкләре, һәм аның турында вакытлы матбугатта басылган язмалар, аның башкарган рольләре белән танышырга мөмкин .

Киң катлау укучылар өчен РСФСРның атказанган мәдәният хезмәткәре, ТРның Г. Тукай ис. Дәүләт премиясе лауреаты,ТРныңхалык язучы Нурихан Фәттахның 90 еллыгына багышланган “Итил суы ага да ага...” исемле китап күргәзмәсе- табышмак

Күргәзмәдә язучының тормыш юлы, аның дәүләт бүләкләре,китаплары һәм аның турында вакытлы матбугатта басылган язмалар белән танышырга мөмкин .

Укучылар өчен “Һәйкәлләр хәтер сагында” исемле мәдәният дәресе

Дәреснең практик өлеше Ак-Чишмә авылында Бөек Ватан сугышында катнашучыларга багышланган һәйкәл янында үтте. Балалар белән бергә һәйкәлнең тирә- юнен чистарттык. Аннары китапханәдә “ВикипедиЯ” ирекле энциклопедиясе ярдәмендә һәйкәлләргә гомуми аңлатма бирдек, һәйкәлләрнең төрләре турында сөйләштек. Укучыларның мәдәни көндәлегеннән һәйкәлләр бите белән таныштык.

Самовар янында очрашу ”Өлкәннәрнең куңеле – пыяла, саксыз кагылсаң, уала”.

Башта китапханәче кичәгә килгән өлкәннәрне “Ак калфаклы халкым озак яшәр” исемле китап күргәзмәсе белән таныштырды , “Ак калфак” оешмасы нинди максатларны алда тотып эшләве турында сөйләде, өлкәннәрне ай саен бер җыелышып аралашырга чакырды, оныклар тәрбияләүдә миллилекне истә тотарга өндәп “Балаларны милли рухта тәрбияләүдә самавыр белән бәлеш тә ярдәмче ” исемле информация сәгате уздырды.

Кече мәктәп яшендәге китап укучылар өчен мәдәният дәресе “Китапханә сезне көтә”

Иң элек китапханәчене яшь китап укучыларны тантаналы төстә китапханәдә каршы алды һәм “Китапханә сезне көтә” исемле мәдәният дәресенә чакырды. Аннары китапханәче бүгенге көндә китапханәнең торышы, китапларның урнашу тәртибе белән таныштырды.

Кече мәктәп яшендәге китапукучылар өчен кычкырып уку “Күпме аң-белем бар “Ана әкиятләрендә”

Беренче тукталышта язучының тормыш юлы белән таныштык. Икенче тукталышта балалар язучының әсәрләренә ясалган иллюстрацияләрне кайсы әсәрдән икәнен атадылар. Өченче тукталыш ”Ана әкиятләре” китабы янында булды , бу тукталышта балалар Абдулла Алишның серле әкиятләрен тыңладылар, аларны анализладылар, үзләре бу әкиятләрне сөйләп күрсәттеләр.