Акчишминская сельская библиотека - филиал № 49

Акчишминская сельская библиотека - филиал № 49

Эзләү каталоге
Фотоконкурс

Яңалык

“Көмеш кыңгырау – безнең белән!” матбугат сәгате

Китапханәче “Көмеш кыңгырау” газетасының соңгы номерларына күзәтү ясады. 2019 нчы ел Татарстанда эшче һөнәрләр елы. Шул уңайдан “Яшь профессионаллар яисә WorldSkills” исемле мәкаләне укып, Казанда узган VII Милли чемпионатта Татарстан җыелма командасы беренче урынны яулавы белән горурландык.

“Йөгерек су, битемне чиста ю!” Әңгәмә- практикум

Яшьләр белән табигать күренешләре турында, һәрбер әйбернең үзара бәйләнеше хакында сөйләштек. Шушы бердәмлекнең өзелүе нинди аяныч нәтиҗәләргә китерергә мөмкин икәнлеген билгеләп үттек.

Мастер – класс “Кулъяулыгым - бүләгем”

Мастер- класста катнашучыларны кулдан чигеп ясалган ашъяулык, кулъяулык, баш яулыгы белән таныштырдык һәм чигү җепләре, киерге , чигү өчен сүрәт төшерелгән хәзерләмәләрне алып чигү буенча беренче күнекмәләрен башкардык, кулъяулыкның читләрен эшкәртергә өйрәндек.

Бәйрәм кичәсе “Матур май - Бөек Җиңүле ай!”

Мәктәп мөдире Сабирзянова Х.Ф. очрашу кичәсен тантаналы ачып җибәрде. Китапханәче җирле үзидарә һәм китапханә исеменнән катнашучыларны якынлашып килүче бәйрәм белән котлады рәхмәтләрен, теләкләрен җиткерде.

Дискуссия”Үстергән дә безне чын дуслык”

Балалар әкияттәге Камыр батыр, Тимер батыр, Бакыр батыр арасындагы дуслык турында сөйләделәр, Камыр батыр авырлыкларны җиңеп үтә белгәне һәм дусларын гафу иткәненә сокландылар, әкият безне нәрсәгә өйрәткәнен ачыкладылар, аның эчтәлеген сөйләделәр.

“Бөек Җиңү хәтердә, китапта”исемле китап күргәзмәсе-уйлану

Авылдашларыбызның сугыш чоры һәм Җиңү көне турындагы истәлекләре, яу кырында үлеп калган һәм илгә Җиңү алып кайткан авылдашларыбыз турында мәгълуматлар, Җиңү турында китаплар белән танышырга мөмкин.

Интеллектуаль уен “Кто хочет стать ”Знатоком истории родного края?”

. Ике уенчыга компьютерда сорау бирелә, бу сорауга дөрес җавапны дүрт вариант арасыннан сайлап аласы, дәфтәр битенә язып куясы, сорауга җавап язу өчен 1 минут вакыт бирелә. Шул рәвештә 10 сорауга да җавап язгач, җаваплар язган кәгазь тапшырыла, чираттагы 2 уенчы уенны дәвам итә.

"Барлык һөнәр мактаулы"Профессия базары

Кайсы һөнәр иясенә нинди фәннәр белән аеруча шөгыльләнергә кирәклеге турында сөйләштек. Теге яки бу һөнәрнең өстенлекле һәм кимчелекле яклары белән таныштык, интернеттан кереп профессиограммалар белән танышырга тәкъдим иттек.

Урман репортажлары конкурсы

Язгы каникулга киткәндә кече яшьтәге китап укучыларга кошлар көненә урман репортажлары язарга кушкан идек. Конкурска 3 эш килде, Гаптелхәев Алмаз язып алып килгән репортаж иң уңышлысы дип табылды.

Библиотека дәресе- әңгәмә “Китап уку ул минем өчен...”

Башта китапханәче “Китап - белем чишмәсе” исемле лекция укыды, китап укучыларга төрле эчтәлектәге китапларга карап күрсәтелгән китапның авторын, исемен, елын, басылган шәһәрен һәм нәшриятын табарга өйрәтте.