Акчишминская сельская библиотека - филиал № 49

Акчишминская сельская библиотека - филиал № 49

Эзләү каталоге
Фотоконкурс

Яңалык

Кычкырып укулар ”Без- Алиш оныклары”

Бөтендөнья кычкырып уку көнендә безнең китапханә “Иң яхшыларын укырга вакыт: А.Алиш исемендәге премия лауреатлары китапларын укыйбыз” исемле Республика акциясенә кушылып, мәктәпкәчә яшьтәге китапукучылар өчен кычкырып укулар оештырды.

" Туган туфрак җылысын тоеп”- китап күргәзмәсе.

Күргәзмәдә татар әдәбиятының аксакалы Әмирхан Еникинең тормыш юлы, иҗаты, дәүләт бүләкләре, аның күп кенә китаплары ( үз сүзләре белән әйтсәк, “озын гомер юлында башкарган бик әз генә хезмәте”), замандашларының Әмирхан Еники турындагы истәлекләре белән танышырга мөмкин.

“Сәнгатькә багышланган гомер” - белешмә- мәгълумат сәгате.

Китапханәче якташыбыз, драматург, режиссер, актер, шагыйрь Гафур Каюмовка багышланган “Оста актер, уңышлы драматург”исемле китап күргәзмәсенә күзәтү ясады, аңа 60 яшь тулган булыр иде дип билгеләп үтте.

Фольклор кичәсе “Тел – милләтнең сакчысы”

Башта китапханәче кичәгә килүчеләрне Халыкара Туган тел көне белән котлады, бу бәйрәм кайчаннан һәм нинди максатларда билгеләп үтүен сөйләде, “Тел – милләтнең сакчысы”, “Милләт язмышы хатын- кыз кулында” исемле китап күргәзмәләре белән таныштырды.

Лекция “Мин дә шулай сөйсәм Ватанны”

Китапханәче патриот- шагыйрь Муса Җәлилгә багышланган “Көчле рухлы каһарман” исемле китап күргәзмәсенә күзәтү ясады, “Чын батырлык үрнәге” исемле электрон презентация белән таныштырды.

Кычкырып уку “Ак тәпи ник моңая?”

Роза Хафизованың “Актәпи” исемле китабыннан ”Актәпи ник моңая?” исемле әкиятне, “Кирлемән” исемле әкият-повестьне кычкырып укыдык, аларны анализладык, бу әкиятләрне кыскача сөйләп күрсәттек.

Белгеч көне «Ак карда чаңгы юлы, шумый булмый бу юлы”

Медсестра Камалова Альбина Алексеевна кеше тормышында спортның һәм дөрес туклануның роле турында сөйләде. Кышкы һава кислородка байрак булуы, без шуннан файдаланып калырга тиеш икәнен әйтте, телефон , компьютер артында утыру сәгатьләрен кыскартып, чаңгыда шуу өчен файдаланырга чакырды.

“Театр – серле дөнья” - мәдәни дәрес .

Дәрес башында алдагы мәдәни дәресләрдә алган белемнәрне ныгыттык, узып баручы елның Россиядә театр елы икәнен билгеләп үттек. Китапханәче театр турында лекция укыды, мәдәни көндәлек белән эшләдек, балаларга шундый сорау куелды: “Театрда нинди һөнәр ияләре эшли?”

“Илең турында уйласаң, гомерең озын була” - фикер алышу.

Башта “Илең турында уйласаң, гомерең озын була” исемле китап күргәзмәсе белән таныштык , Фатих Кәрим башкарган батырлык турында сөйләштек, аның тормыш юлы белән таныштык. Аннары батырлар хөрмәтенә бер минутлык тынлык игълан ителде. Аннары укытучылар Сабирзянова Х.Ф., Гарифуллина Фәния Фатих Кәримнең шигырьләрен, поэмаларын кычкырып укыдылар. Укучылар белән шушы шигырьләр, поэмалар буенча күмәк фикер алыштык.

Киң катлау китап укучылар өчен музыкаль кунакханә "Хуш киләсең, Яңа ел!"

Безнең Яңа ел бәйрәменә чын Кыш бабай белән Кар кызы килде. Кыш бабайдан бүләк алу өчен балалар гына түгел, олылар да шигырьләр сөйләде, җырлар җырлады, биюләр биеде. Яңа ел кичәсен тамашачылар катнашындагы кызыклы уеннар бигрәк тә күңелле итте.