9нчы ноябрь көнне Арча үзәк китапханәсендә «Лучший библиотекарь-2018» район бәйгесе булып узды. Бәйгенең нигезләмәсе ел башында ук барлык китапханәчеләргә җиткерелгән иде.
3нче ноябрь көнне Ашытбаш мәдәният йортында “Кара-каршы”дип исемләнгән интеллектуаль уен үткәрелде.
Китап уку, белем алуга кызыксыну уяту, ике телдә дә әкиятләрне белүнең әһәмиятенә төшендерү, иҗади фикерли белү сәләтен үстерү максатыннан чыгып, 2нче ноябрь көнне Ашытбаш авыл китапханәсендә уен-викторина үткәрелде.
Нинди генә исем белән аталган көн юк хәзерге тормышта.Һәр көнебез бәйрәм кебек.Һөнәри һәм халыкара әһәмиятле даталар белән бәйләнгәннәре дә артканнан-арта бара.Шоколад көне, песиләр көне, куркаклар көне һәм менә алма көне.21 октябрь – “Алма көне” буларак билгеләп үтелә.Әлеге дата табигатьнең иң мул чорында, алма өлгергәндә үткәрелүе белән әһәмиятле.
Үзенең бөтен гомерен китапханәгә багышлаган ветеран- китапханәче Заһидуллина Фәһимә апа китапханәгә юлны суытмый, ул һәрвакыт көтеп алынган кунак.
25нче октябрь көнне Ашытбаш мәдәният йорты фойесында көзге балл бәйрәме үткәрелде.Анда 5,6,7нче класс укучылары катнашты. Чара укучыларның иҗади сәләтен үстерү, татар халкының хезмәткә булган карашын, күркәм гореф-гадәтләрен хөрмәтләргә өйрәтү, шигырь, җыр-бию аша туган телебезнең байлыгын, матурлыгын күрсәтү максатларыннан чыгып үткәрелде.
18 нче октябрь көнне Ашытбаш мәдәният хезмәткәрләре “Кояшкай” балалар бакчасында кунакта булды.Безнең татар халкы кунакка буш кул белән йөрмәгән.Менә без дә балалар хозурына 1-2 класс укучылары катнашында әзерләгән “Шалкан” әкиятенең заманча вариантын тәкъдим иттек.
Татмедиа җәмгыяте укучылар өчен төрле газета-журналлар чыгара.Безнең Ашытбаш авыл китапханәсенә “Ялкын”, “Салават күпере”, “Көмеш кыңгырау”, “Тылсымлы куллар”, “Сабантуй” кебек басма чаралар килә.Укучыларны периодик басмалар белән таныштыру, аларга кызыксыну уяту максатыннан китапханәдә экспресс-мәгълүмат сәгате уздырылды.
Ашытбаш авыл китапханәсе мөдире "Татарстан - наш общий дом" конкурсында катнашты һәм диплом белән бүләкләнде.
Агач-куаклар тирә-як мөхитебезне матурлаучы, саклаучы, һаваны чистартучы булып торалар. Безнең сәламәтлек тә яшеллек белән нык бәйләнгән.Шул сәбәпле яз-көз айларында төрле акцияләр оештырыла.
Укытучы хезмәте - авыр да, жаваплы да,шул ук вакытта кызыклы да.Гомерен балаларга багышлаган, аларны киләчәк тормышка әзерләүгә алынган, шушы мактаулы эшкә бар күнелен, йөрәк җылысын салган тынгысыз, көчле рухлы кеше генә мөгаллим була ала.
1990 елның 14 декабрендә 1 октябрь “Өлкәннәр көне” итеп игълан ителә. Иң беренче бу бәйрәмне Европада, аннан Америкада, ә инде 80нче елның ахырында бөтен дөньяда бәйрәм итә башлыйлар.1октябрь көнне Ашытбаш авыл китапханәсе мәдәният йорты белән берлектә ”Өлкәннәрне котла һәм чәчәк бүләк ит!”акциясе үткәрде.
25нче сентябрь көнне Г.Тукай исемендәге Ашытбаш төп гомумбелем мәктәбенең башлангыч класс укучылары өчен “Әдәп төбе- матур гадәт!” исемле чара үткәрелде.
Оста әкиятче, шагыйрь, герой- шагыйрь Муса Җәлилнең көрәштәше Абдулла Алишның тууына 110 ел уңаеннан, 15нче сентябрь көнне Г.Тукай исемендәге төп гомумбелем мәктәбендә башлангыч класс укучылары өчен “Язучы да Алиш, батыр да!” дип исемләнгән әдәби сәяхәт үткәрелде.
14 сентябрь – барлык китапханәләрдә, мәктәпләрдә музейларда Бердәм мәдәният дәресләре уза.Шул максаттан, Г.Тукай исемендәге төп гомумбелем урта мәктәбенең башлангыч класс укучылары өчен “Мәдәниятле-димәк әхлаклы!”дип исемләнгән мәдәният дәресе үткәрелде.
3 сентябрь – терроризмга каршы көрәш көне дип билгеләп үтелә. Саннарга күз салсак, күпме терроризм афәтләрен күрәбез. Һәр кеше куркыныч хәлләргә юлыкса үзен-үзе саклау чараларын алдан өйрәнергә тиеш.
Балаларның 1нче класска керүләрен күңелле итеп истә калдыру, мәктәпкә, белемгә кызыксыну уяту, китапханәгә йөрүнең кирәклеген төшендерү максатыннан чыгып, 1 нче сентябрь көнне Ашытбаш авыл китапханәсендә театральләшкән бәйрәм кичәсе үткәрелде. Кичәгә 1нче классак укырга керүчеләр әти-әниләре, укытучылары белән чакырылган иде.
30 август - республикабызда яшәүче барлык халыкның уртак бәйрәме. 1990 елның 30 август көне республикабыз тормышында мөһим вакыйга булып тарихка керде.Балаларга Республика көне, дәүләт символикасы, гимн турында мәгълүмат бирү, аларның күпмилләтлелек турында белемнәрен баету максатыннан, 28нче август көнне Ашытбаш авыл китапханәсендә “Чал тарихны ташлар сөйли, аңлый бел телен генә!”дип исемләнгән чара үткәрелде.
22 август - Россия флагы көне уңаеннан, Ашытбаш авыл китапханәсендә укучылар өчен китап күргәзмәсе ясап куелды һәм информина үткәрелде.
3нче август көнне Ашытбаш авыл китапханәсендә балаларның яраткан шагыйре, өлкәннәрнең якын дусты, бик күп җырлар авторы Р.Миңнуллинның юбилее уңаеннан, аның тормыш юлы һәм иҗаты белән таныштык.