Башта мәктәп мөдире Сабирзянова Х.Ф. очрашу кичәсен тантаналы ачып җибәрде. Өлкәннәр балалар, укытучылар коллективы әзерләгән музыкаль-тематик кичәне карап, ял итте. Аннары китапханәче кичәгә килгән өлкәннәрне Бөек Җиңүның 71 еллыгы уңаеннан оештырылган “Ул көннәрнең даны мәңгелек” исемле китап күргәзмәсе , китапханәгә килүче газета-журналлар,яңа кайткан китаплар белән таныштырды . Китапханәче өлкәннәрне якынлашып килүче бәйрәм белән котлады, рәхмәтләрен, теләкләрен җиткерде.
Башта “Үткен каләмле рәссам” исемле китап күргәзмәсе белән таныштык. Аннары Мухаметдинова Чулпан тормыш юлы белән таныштырды. Китапханәче “Авангардчы Ренат” дип исемләнгән доклад укыды. Китапханәче “ Пейзаж һәм лирика” исемле уникаль китап белән таныштырды, Суюров Фәрит рәсемнәре,Ренат Харисның һәм Мәскәү шагыйре Николай Переясловның русча шигырьләре белән таныштык. Катнашучылар Ренат Харисның китапларындагы шигырьләрен кычкырып укыдылар.
Китапханәче кыскача Тукайның биографиясе белән таныштырды. Тахавиева С.”Бала белән күбәләк”җырын башкарды. Балалар бу җырның исемен атады. Сабирзянова Ания “Туган авыл” шигырен сөйләде. Гаптельхәев Алмаз “Кызыклы шәкерт” шигырен башкардылар. “Елның дүрт фасылы” шигыре яңгырады,балалар ел фасылларын атадылар,шигырьнең исемен авырлык белән булса да,әйттеләр.
Ак-Чишмә китапханәсе Арча мәдәният йорты хезмәткәрләре белән бергә “Библиотөн” - “Кино укы!” Бөтенроссия акциясенә кушылып, авыл халкы өчен Гөлсинә Зәкиеваның “Ирләр дә елый” мелодрамасы буенча Арча районында төшерелгән “Елый икән, елый ирләр дә...” кинофильмын карауны оештырды.
Китапханәче кыскача Тукайның биографиясе белән таныштырды, “Шүрәле” әкиятен сөйләде, балалар кул эшләнмәләрендәге шүрәлене таптылар, әкият безне нәрсәләргә өйрәтте, шуны ачыкладылар. Сабирзянова Хәлимә һәм Гарифуллина Фәния кәҗә белән сарык маскасы киеп, китапханәче белән бергә “Кәҗә белән сарык” әкиятен башкардылар.
“Туган як тарихын өйрәнүчеләр” клубына йөрүче Мухаметдинова Чулпан яңа мәгълуматлар җиткерде. Аннары викторина сораулары яңгырады. Викторина сорауларын китапханәче кычкырып укып барды, печатьләнгән варианты да өстәлгә куелган, уенчылар җавапларны кәгазь битенә яза бардылар. Соңыннан җавапларны кычкырып укыдык, анализладык, һәр җавапка китапханәче тулы аңлатма бирде,иде иң күп дөрес җавап язучы- Галяветдинова Алисә булды, ә иң тулы җавапларны Хазиева Кадрия белде.
Башта китапханәче “Сәламәтлек – тормыш нигезе” исемле китап күргәзмәсе белән таныштырды. Аннары авылыбызның фельдшеры Камалова Альбина “Сәламәт булыйм дисәң” дип исемләнгән доклад укыды. Докладта өлкәннәрне сәламәт яшәү рәвеше алып барырга, җиңелчә физкультура ясарга, саф һавада күп булырга, кәефне күтәрергә өйрәтте. Китапханәче җитмеш яшьтән өлкәннәрне скандинавиялеләрчә йөрергә өйрәтте, үзе дә чаңгы таяклары тотып, өлкәннәр белән бергә шөгыльләнде.
Китапханәче китапукучыларны шул тематика белән бәйле шушы атнада (16.04-23.04.16.) узачак чаралар белән , “Мәрхәмәтле Татарстан” эстафетаның нигезләмәсе , девизы белән таныштырды. “Мин Ак-Чишмә халкының мәрхәмәтле икәнен беләм, шушы чараларда актив катнашып үзебезнең чыннан да мәрхәмәтле икәнебезне раслыйк. Мәрхәмәтлек бер атна белән генә чикләнеп калмасын, һәрвакыт дәвам итсен ,”-дип дәвам итте үзенең сүзен.
Башта балалар “Галәмгә юл башы “ дип аталган китап күргәзмәсе белән таныштылар. Аннары балаларга дөньяда беренче буларак, Ю.А.Гагаринның космик корабль белән галәмгә күтәрелү тарихы сөйләнде. Бераз беренче космонавтның тормыш юлы белән танышып үттек. Викторина «Сорау-җавап “ уены тибында оештырылды, уенда барлык укучылар да катнашты.
Иң элек “Белем иленә юл – китап аша!” дигән җөмләне кем ничек аңлавы белән кызыксындык. Балаларга татар, рус һәм инглиз телен өйрәнергә ярдәм итүче китаплар сериясе, әдәпкә өйрәтүче китап, балалар җырлары тупланган китап, ”Балачак энциклопедиясе” сериясендәге китаплар, “Уйный-уйный үсәбез” сериясендәге китаплар белән таныштык. Аннары балалар өчен эшләүче “Халкымның йөзек кашы “дип исемләнгән китап күргәзмәсеннән Г.Тукай әсәрләре, шагыйрьнең тормыш юлы белән таныштык
Кошлар турында мәгълумат алдык: безнең якларда кышлый торган һәм күчмә кошлар турында, кошларның үзенчәлекләре, яшәү тирәлекләре, тукланулары хакында сөйләштек. Г. Х. Андерсенның “Ләкләкләр” әкиятен укыдык. Аннары кошлар турында кроссворд чиштек. Кроссвордны чишү өчен кошлар турында шигырь-табышмаклар укыдым, кем шул кошларны белә, шул кул күтәреп җавап бирде.
Нәүрүз бәйрәменең килеп чыгу тарихы, ничек уздырылуы турында сөйләштек. Нәүрүз бәйрәменнән бер күренеш күрсәттеләр. Тахавиева Сөмбел Мари республикасында Бәрәңге районында Нәүрүз бәйрәмендә катнашуы, бәйрәмнең ничек узуы турында сөйләде.
катнашучыларга алдан әзерләнгән сораулар, шул сорауларга күп төрле вариантта җаваплар язылган бланклар өләшенде.Катнашучылар шул сорауларга үзләре дөрес дип санаган вариантларда тамга куеп чыктылар.
Бәйрәмгә укучыларның әти-әниләре килде. Балалар әти-әниләргә багышланган шигырьләр, җырлар башкардылар , биюләр биеделәр.Әтиләр оста итеп бала төрә белүләрен үзара ярышта күрсәттеләр . Әниләр дә үзләренең җитезлекләрен –уңганлыкларын күрсәттеләр, кушылган биремнәрне сүзсез, бары хәрәкәтләр белән генә аңлатып бирә белделәр.
Башта тышкы һәм эчке матурлык турында сөйләштек. Балалар матурлыкның ничек итеп тирә-юньне үзгәртергә сәләтле икәнлеге турындагы сорауларга җаваплар бирделәр. Китапханәче күп итеп матур әдәбият укырга тәкъдим итте, 2016 нчы елның Россиядә Кино елы икәнен билгеләп үтте, логотибы белән таныштырды.” Без үтереш, урлашулар турындагы киноларны түгел, матурлыкка, тәртипкә өйрәтә торган киноларны карарга өйрәник, монстрлар турындагы мультфильмнарны матурларына алыштырыйк.
Әңгәмәдә катнашучылар туган телгә үз мөнәсәбәтләрен аңлаттылар, аеруча укытучы Гарифуллина Фәниянең сүзләре күбебезне уйланырга мәҗбүр итте: ”Татар теле – безнең туган телебез, әти-әни, әби-бабаларыбыз теле, без татар булуыбыз белән горурланырга тиеш”,-диде.
Китапханәче башта “ Халкымның батыр улы” дип исемләнгән китап күргәзмәсе белән таныштырды. Жюри составына Ак-Чишмә мәктәбе укытучылары Сабирзянова Х.Ф., Гарифзянова Ф.Р. сайлап куелды. Укучылар сәнгатьле итеп Муса Җәлил шигырьләрен яттан сөйләделәр . Укучылар чыгышыннан соң, жюри конкурска йомгак ясады.
Китапханәче башта “ Халкымның батыр улы” дип исемләнгән китап күргәзмәсе белән таныштырды. Жюри составына Ак-Чишмә мәктәбе укытучылары Сабирзянова Х.Ф., Гарифзянова Ф.Р. сайлап куелды. Укучылар сәнгатьле итеп Муса Җәлил шигырьләрен яттан сөйләделәр . Укучылар чыгышыннан соң, жюри конкурска йомгак ясады.
Уен барышында Муса Җәлилгә багышланган “Көчле рухлы каһарман” исемле китап күргәзмәсе белән таныштык. Җәлилчеләр башкарган батырлык турында сөйләштек, викторина сорауларына җавап алдык.
Башта якташ язучыбыз Гомәр ага Бәшировка багышланган “ Җидегән чишмә”иясе” дип исемләнгән китап күргәзмәсе белән таныштык, язучының тормыш юлын, аның әсәрләрен, башкаларның Гомәр ага турындагы истәлекләрен барладык. Аннары барыбыз бергә язучының тормыш юлы һәм иҗатына багышланган викторина сорауларына җаваплар таптык.
