26 ноябрь көнне мәдәният йорты һәм китапханә белән берлектә "Көттермәсәк иде әнкәйләрне" дип исемләнгән әдәби-музыкаль кичә уздырылды.Кичәдә әнкәйләр турында шигырьләр һәм җырлар башкарылды.Аналар көне ул гаилә бәйрәме дә. Бу бәйрәмгә 50 ел бергә гомер итүче гаиләләр дә чакырылган иделәр.Бәйрәм бик күңелле узды."Әниемнең җылы кочагы" дигән китап күргәзмәсе ясалды.
Кешеләр арасындагы үзара мөнәсәбәтләрдә дуслыкның иң мөһим сыйфатларының берсе булуына ышаныч тәрбияләү,дус,тату яшәргә,дуслыкның кадерен белергә өйрәтү,сыйныфта бердәмлек сыйфатларын булдыру максатыннан мәктәп лагерына йөрүче укучылар белән "Дуслык белән көчле без" дигән әдәби сәгать уздырылды.Дуслык турында шигырьләр укыдык,чәчәк таҗлары аша дуслыкның төрләре белән таныштык:кызлар,кызлар-малайлар,дуслыгы,табигать белән дуслык,милләтләр дуслыгы,дәүләтләр арасындагы дуслык.Дуслык турында мәкальләр әйтелде.
27 октябрькөнне Кайбыч гомуми белем бирү мәктәбендә "Парламент дәресе-2017" уздырылды.Бу дәрес Татарстан Республикасы конституциясенең 25 еллыгына багышланды.Авыл китапханәчесе китап күргәзмәсе әзерләде.Парламент дәресендә 7,8,9 сыйныф укучылары һәм депутат, авыл җирлеге башлыгы Н.Ш.Абдрахманов катнаштылар.Җәмгыять белеме укытучысы МахмутоваА.Р. төп законның тарихы белән таныштырды.Укучылар Татарстан турында шигырьләр сөйләделәр,конституциягә кагылышлы сорауларга җаваплар бирделәр.
15 октябрь - Бөтендөнья шигърият көне уңаеннан 12 нче октябрь көнне Кайбыч авылы китапханәсендә "Ач,шигърият серләреңне"дип исемләнгән шигырь бәйрәме уздырылды.Бу бәйрәмгә садик балалары,1, 4 сыйныф укучылары чакырылды. Алар коз турында шигырьләрне сәнгатьле итеп сөйләделәр,балалар шагыйрләренең китапларыннан күргәзмә ясалды. Соңыннан бүләкләр тапшырылды.К
дә җырладылар,борынгы җырлы уеннар уйнадылар. Бәйрәм бик күңелле үтте.
15 сентябрь ачык ишекләр атналыгы кысаларында балалар бакчасына йөрүче балалар Кайбыч авылы китапханәсендә экскурциядә булдылар.Кече яшьтәге балалар өчен язылган китапларга күзәтү ясалды,балалар җәй турында шигырьләр сөйләделәр.
Кайбыч авылы китапханәсендә 12 сентябрьдән "Китаплар иленә рәхим ит!" дип исемләнгән ачык ишекләр атналыгы игълан ителде.13сентябрь көнне 1 сыйныф укучылары белән "Яшь китап сөючеләр" дигән библиографик дәрес уздырылды.Укучыларны китапханә белән, ,китап уку кагыйдәләре,, китап укучыларның хокуклары,аларның бурычлары белән таныштырылды. "Минем беренче китапларым" исемле китап күргәзмәсенә күзәтү ясалды.
12 нче сентябрь көнне Кайбыч төп гомуми белем бирү мәктәбендә "Мәдәни дәрес" үтте.Башлангыч сыйныф укучылары белән "Китап укысаң - белемең артыр, китап укымасаң - белемең онытылыр" дигән темага әңгәмә уздырылды.Китап белән файдалану кагыйдәләре,китап укучының хокуклары һәм бурычлары турында сөйләнде.Укучыларга Мәдәни көндәлек тапшырылды.
Татарстан Республикасы көне унаеннан китапханәдә "Казан - минем башкалам" дип исемләнгән китап күргәзмәсе ясап куелды.
Китапханәдә "Җәй.Китап.Балалар." исеме астында балалар белән кызыклы китаплар уку оештырылды.
Кайбыч авылы китапханәсендә "Яңа китап - яңа дус" дигән яңа кайтан китаплардан китап күргәзмәсе ясалды.
22 июньХәтер һәм кайгы көне унаеннан Кайбыч авылы китапханәсендә "Батырлык үлемсез,хәтер мәңгелек" дип исемләнгән китап күргәзмәсе ясалды.
12 июньРоссия көне унаеннан Кайбыч авылы китапханәсендә "Дәүләт символлары" дигән информация сәгате узды.Җәйге мәктәп лагерена йөрүче балалар белән дәүләт символларын искә төшердек , һәрбер символга аңлатма бирелде, пазллар төзеделәр.Россия турында җырлар һәм шигырьләрдән өзекләр сөйләделәр.
Кайбыч авылы китапханәсендә мәктәп лагерена йөрүче балалар белән А.С.Пушкин әкиятләре буенча викторина -уен уздырылды.Китап күргәзмәсе ясалды.
Шагыйрә Эльмира Шәрифуллинага 70 яшь тулу унаеннан "Шагыйрь булып яшәүләре,Бәхетме, әллә җәза?" дип исемләнгән китап күргәзмәсе ясалды.
1 июнь Халыкара балаларны яклау көне унаеннан Кайбыч мәдәният йортында китапханә белән берлектә "И, күңелле балачак" дигән җырлы-уенлы кичә уздырылды.Иң элек балаларны бәйрәм белән котладык. Бәйрәм җыр,шигырь,биюләр белән гөрләп торды..Балалар белән төрле уеннар уйладык,лотореялар уйнаттык.Соңыннан тәм-томнар белән чәй эчтек.Бәйрәм балаларга да,аларның әниләренә дә бик ошады.
27 май- китапханәчеләр көне буларак билгеләп үтелә.73 ел элек Кайбыч авылы китапханәсе - "Избач" беренче тапкыр ишекләрен ачкан.Китапханәнең тарихы,бүгенгесе,киләчәге Кайбыч халкының тормышында мөһим урын билгеләп тора.Шул уңайдан китап укучыларны авыл,китапханә,шифаханә,мәктәп,мәчет тарихларын ,авылдан чыккан күренекле шәхесләрнең биографияләре яктыртучы "Шушы яктан без" дигән стенд белән таныштырылды.
26 май көнне Кайбыч мәктәбе укучылары (укытучылары-Музаффарова Р.М.) Кайбыч китапханәсенә экскурсиягә килделәр. Китапханәче аларны китапханә белән таныштырды. "Балалар өчен газета –журналлар, алардан файдалану”- дигән библиографик дәрес үткәрелде. Дәрестә вакытлы матбугатның белемнәрне тирәнәйтергә, дөньяга карашны киңәйтергә ярдәм итүе , вакытны мавыктыргыч итеп уздыру өчен күп башваткычлары, кызыклы уеннары булуы турында сөйләнде. Укучылар китапханәдәге журналлар белән таныштылар. Яңа төр журналлар алард
25 май көнне Кайбыч гомум белем бирү мәктәбендә соңгы кыңгырау бәйрәме булды. Бу бәйрәмдә авыл җирлеге, мәдәният хезмәткәрләре,китапханә һәм килгән кунаклар катнаштылар.Чыгарылыш сыйныф укучыларын котладылар, аларга имтиханнарында унышлар теләп бүләкләр тапшырылды.
25 май-язучы,публицист,Г.Тукай исемендәге дәүләт бүләге иясе Миргазиян Юнысның тууына 90 ел уңаеннан китапханәдә "Юлда уйланулар" дигән китап күргәзмәсе ясалды.Китап укучылар китап күргәзмәсе ,Миргазиян Юнысның кыскача биографиясе,иҗаты белән таныштылар.
