Ел саен март аеның тәүге чәршәмбесе Бөтендөнья кычкырып укулар көне буларак билгеләп үтелә. Шул уңайдан Республика балалар китапханәсе «Әкиятләр аша тынычлыкка һәм татулыкка: туган телдә халык әкиятләре укыйбыз» Бөтенроссия акциясе оештырды.
Габдулла Тукайга 135 ел тулу уңаеннан, укучыларның белемнәрен тирәнәйтү, шагыйрь иҗатына кызыксыну уяту, иҗади сәләтләрен үстереп, милли үзаң , үз халкың белән горурлану хисләре тәрбияләү максатыннан, башлангыч сыйныф укучылары белән " Без Тукай оныклары" дип исемләнгән кичә узды.
Милли мәдәниятне һәм күпьеллык кыйммәтләрне торгызу, саклау һәм үстерү; туган телгә ихтирамны арттыру максатыннан "Ак калфак " оешмасы хатын-кызлары белән ""Тел-милләтнең төп билгесе" дип исемләнгән чара уздырдык.
Китапханәдә Г. Тукайның тууына 135 ел тулуга багышланган "Тукай сүнмәс йолдыз ул" дигән китап күргәзмәсе эшли башлады.
"Туган телдә табигатькә мәхәббәт хакында", район иҗат конкурсында безнең китапханә укучысы да катнашып, сертификат белән бүләкләнде.
23 февраль бәйрәме-патриотизм хисен формалаштыру, Ватаныбызның иң яхшы традицияләренә тартылу, Ватанны лаеклы яклаучылар өчен горурлык хисе тәрбияләү өчен яхшы сәбәп.Шул уңайдан # Мин хәтерлим акциясенә кушылып, Бөек Ватан сугышында һәлак булган авылдашлар истәлегенә куелган обелискка чәчәкләр салу тантанасы булды.
21 февраль- Халыкара туган тел көне уңаеннан, кече яшьтәге укучылар белән "Дөньяда иң матур тел-ул минем туган телем " дип исемләнгән чара узды.
Муса Җәлилнең тормыш юлы һәм иҗаты турында мәгълүмат бирү, иҗатына кызыксыну уяту, шигырьләрен белү, әсәрләре аша балаларда патриотизм хисләре тәрбияләү максатыннан Шекә балалар бакчасында тәрбияләнүче кечкенә укучыларым белән "Муса Җәлил- балалар дусты" әдәби күңел ачу кичәсе уздырдык.
15'февраль-герой шагыйрь Муса Җәлилнең 115 еллыгы уңаннан башлангыч сыйныф укучылары белән " Җырым белән җиңдем дошманны" батырлык сәгате узды.
14 февраль көнне Шекә авыл клубында " Мәхәббәт яшьләрдә диләр, була ул һәркемдә дә" кичәсе уздырылды. Кичәгә авылыбызда яшәүче 90 еллар яшьләре җыелды.
Бөтендөнья куркынычсыз интернет көне ел саен февральнең икенче сишәмбесендә билгеләп үтелә. Шул уңайдан без мәктәп яшендәге укучылар арасында "Интернет челтәрендә куркынычсызлык" темасына блиц-сораштыру уздырдык.
2021 ел - Туган телләр һәм халыклар бердәмлеге елы уңаеннан, укучыларга милли җәүһәрләрнең кыйммәтле мирас икәнлегенә төшендерү, саклау, халык иҗаты, ,чигү сәнгате , халык һөнәрчелеге белән кызыксынуларын үстерү максатыннан "Һәр җәүһәрдә-халкым тарихы" дип исемләнгән чара узды.
Авыл клубында авыл Советының отчет җыелышы булып узды. Җыелыш алдыннан китапханәче Локманова Г.Х., авыл халкына, Туган телләр һәм Халык бердәмлеге елына багышланган "Туган телем үз телем, туган телем үз көнем"дигән китап күргәзмәсе белән таныштырды.
Китапханәдә "Сугыш хатын- кыз йөзе түгел" дип исемләнгән мәгълүмат сәгате узды. Аның максаты - Бөек Ватан сугышында катнашкан һәм тылда хезмәт куйган хатын-кызларның, сугыш чоры балаларының батырлыгы турында хәтерне саклау.
Китапка, Китапка, укуга кызыксыну тәрбияләү максатыннан мәктәпкәчә яшьтәге укучылар өчен "Китаплар иленә сәяхәт" дип исемләнгән викторина узды. Китапханәче сүзне китапның килеп чыгышы, китап язу тарихы турында сөйләп башлады. Китапны саклау кагыйдәләре белән таныштырды. "Балачак китаплары" күргәзмәсе тәкъдим итеп , матур рәсемле китаплар карадык. Матур әдәбият әсәрләре буенча сорауларукуга кызыксыну тәрбияләү максатыннан мәктәпкәчә яшьтәге укучылар өчен "Китаплар иленә сәяхәт" дип исемләнгән викторина узды.
Ел саен 27 гыйнварда илебездә Ленинградны фашист блокадасыннан тулысынча азат итү көне билгеләп үтелә.Ленинград камалышыннан тулысынча котылуның 77 еллыгы уңаеннан китапханәдә “900 көнлек блокада” дип аталган тематик чара үтте.
2021 ел- Туган телләр һәм халыклар бердәмлеге елы уңаеннан урта яшьтәге укучылар белән "Туган телем- бөек анам теле"дип исемләнгән кичә узды.
Татар халкының онытыла барган изге бәйрәмнәрен, гореф-гадәтләрен хәтердә яңарту һәм саклау, элекке чорның матурлыгын күрсәтү максатыннан «Ак калфак» оешмасына йөрүче хатын-кызлар белән “Онытылмасын гореф-гадәтләр” дип исемләнгән кичә үткәрдек.
15 гыйнварда профессиональ татар музыка сәнгатенә нигез салучыларның берсе, Казан дәүләт консерваториясенә нигез салучы һәм аның беренче ректоры, күренекле композитор, педагог һәм җәмәгать эшлеклесе Нәҗип Гаяз улы Җиһановның тууына 110 ел тулды.
Үзе иске, үзе яңа булган бәйрәмне каршы алу күптәнге гадәтләрнең берсе. Бу ел да искәрмә булмады, без кич белән авылдашларыбыз белән бергә, саф һавада Иске Яңа елны кызыклы уеннар уйнап күңел ачтык.