Шекинская сельская библиотека - филиал № 51

Шекинская сельская библиотека - филиал № 51

Эзләү каталоге
Фотоконкурс

Яңалык

"Тукай яши безнең күңелдә"

26 апрельдә яраткан татар шагыйре Габдулла Тукайның туган көне билгеләп үтелде. Аның китаплары туган як матурлыгына, игелеккә өйрәтә, мәрхәмәтле, гадел һәм кыю булырга чакыра. Туган көн хөрмәтенә киң катлам укучылар өчен «Тукай яши безнең күңелдә» дип исемләнгән әдәби-музыкаль кичә үткәрелде .

"Алтын хатын-кыз исемнәре"

Тормышның төрле өлкәләрендә Татарстан Республикасы һәм Россия Федерациясе үсешенә зур өлеш керткән сабыр, тырыш, түземле, сынмас рухлы, батыр йөрәкле, үзенең милләте, дине өчен гомерен дә кызганмаган хатын-кызлар турында мәгълүмат бирү максатыннан китапханәдә "Алтын хатын-кыз исемнәре" дип исемләнгән чара узды.

"Синең тормышың- синең сайлау!"

"Синең сайлавың" оператив- профилактика чарасы кысаларында, китапханәдә балигъ булмаган балалар өчен "Синең тормышың- синең сайлау!" темасына профилактик әңгәмә узды.

"Галәм киңлекләрендә"

. Бөтендөнья Космонавтика көне уңаеннан башлангыч мәктәп укучылары һәм балалар бакчасында тәрбияләнүчеләр өчен “ Галәм киңлекләрендә” дип исемләнгән космик сәяхәт оештырдык.

“Сәламәтлек өчен 100 киңәш”

Ел саен сәламәтлек көнен үткәрү 1950 елдан бирле традициягә кергән. Сәламәтлек көне чаралары кешеләр үз тормышларында сәламәтлекнең мөһимлеген аңлар өчен үткәрелә. Шул уңайдан китапханәдә “Сәламәтлек өчен 100 киңәш” дип исемләнгән мәгълүмат сәгате узды.

"Служение музыке"

1873 елның беренче апрелендә (иске стиль буенча 20 мартта) Сергей Васильевич Рахманинов туган. Бу бөек музыкантның исеме бөтен дөньяда билгеле һәм аны «рус гение»дип атарга мөмкин. Рахманинов искиткеч пианист, искиткеч дирижер һәм композитор, үзе артыннан зур мәдәни мирас калдырган шәхес. Юбилей уңаеннан китапханәдә Сергей Васильевич Рахманиновның тууына 150 ел уңаеннан мәгълүмат бирү көне узды, "Служение музыке"мәгълүмат бирү күргәзмәсе эшләде.

«Бергә уку күңелле»

4 апрельдә, озын тәнәфес вакытында, башлангыч сыйныф укучылары өчен «Бергә уку күңелле» дигән кычкырып уку оештырдык.

"Яркие женщины- яркие судьбы" китап күргәзмәсе.

Китапханәдә «Яркие женщины-яркие судьбы» дип исемләнгән мәгълүмат бирү күргәзмәсе эшли башлады. Күргәзмәдә татар халкының кайбер күренекле хатын-кызлары турында китаплар һәм Арча районы үсешенә зур өлеш керткән хатын-кызларның тормышы, эшчәнлеге һәм дәүләт бүләкләре турында мәгълүмат тәкъдим ителә.

»Сезнең тыйнак хезмәтегез бәяләрне белми"

Һәр авылда тирән хөрмәт казанган кешеләр була. Шекә авылында яшәүче ветеран укытучы Вилсур абый Валиев та шундыйлардан. Инде күптән лаеклы ялда булса да, үзе аң-гыйлем биргән укучылары аның турында, безнең Вилсур абый дип горурланып әйтә, ул биргән дәресләрне сагынып искә ала.

"Тәмәке куркыныч тылсымчы"

Зыянлы гадәтләрне профилактикалау һәм сәламәт яшәү рәвешен популярлаштыру максатыннан , китапханәдә киң даирә укучылары өчен «Тәмәке куркыныч тылсымчы» дип исемләнгән мәгълүмат бирү күргәзмәсе эшләде.

"Китапны укырга һәм геройларын танырга яратабыз" .

2023 елда балалар китабы атналыгына 80 ел тула. Балалар китабы атналыгы-чын күңелдән укырга яраткан һәркемне берләштерә торган бәйрәм.Бу бәйрәм хөрмәтенә китапханәдә "Китапны укырга һәм геройларын танырга яратабыз" әдәби калейдоскобы үткәрелде.

"Батулла бабай әкиятләре"

26 март көнне, яраткан язучыбыз Рабит Батулланың туган көне. Ул татар мәдәниятендә аерым һәм күренекле шәхес. Язучының юбилеена китапханәдә кече яшьтәге укучылар өчен "Батулла бабай әкиятләре" дип исемләнгән кычкырып укулар узды

"Нәүрүз мөбәрәкбад!"

"Нәүрүз" - яз һәм кояш бәйрәме, язгы көн белән төн тигезлеге көне һәм яңа игенчелек елы башы. Милли мәдәниятләр һәм традицияләр елы кысаларында, милли бәйрәмнәргә, гореф-гадәтләргә һәм традицияләргә кызыксынуны үстерү максатыннан, 22 мартта Шушмабаш авыл җирлегенә керүче мәдәният йортлары һәм китапханәләр хезмәткәрләре Шушмабаш урта мәктәбе белән берлектә Нәүрүз бәйрәмен үткәрдек.

"Бүген бездә Нәүрүз бәйрәме"

21 мартта Шәке авыл китапханәсе, авыл клубы хезмәткәрләре башлангыч сыйныф укучылары белән Шекә авылында Нәүрүз бәйрәменә күчтәнәчләр җыю оештырдык. Күп күчтәнәчләр җыелды, балалар бакчасына кечкенә дусларыбыз янына кайтып, бәйрәмне дәвам иттек.

“Мең хәзинә-журнал битләрендә” китапханә дәресе.

Яшь укучыларны вакытлы басмаларның күптөрлелегендә ориентлашырга һәм кирәкле мәгълүматны табарга өйрәтү, китапханәдә вакытлы әдәбият укуга кызыксыну уяту максатыннан “Мең хәзинә-журнал битләрендә” дип исемләнгән китапханә дәресе узды.

"Капка төбе уеннары"

Рухи-әхлакый тәрбия нигезләрен халык авыз иҗатына һәм музыкаль мәдәнияткә кушу аша формалаштыру максатыннан, «Ак калфак» клубы әгъзалары өчен китапханәдә «Капка төбе уеннары» фольклор кичәсе уздырылды