«Ел китабы» республика бәйгесенә нәтиҗәләр ясалды
2019 нчы елның 15 нче мартында ТР Мәдәният министрлыгы, Татарстан Республикасының Милли китапханәсе, Республика матбугат һәм массакүләм коммуникацияләр агентлыгы вәкилләреннән торган жюри «Ел китабы – 2017» бәйгесенә йомгак ясады.
Иң күп укылган китапларны билгеләүдә республикабызның 1510 китапханәсе катнашты. Конкурска 328 китап тәкъдим ителде, шуларның 46-сы – чәчмә әсәрләр (проза), 48-е – тезмә әсәрләр (шигърият), 36-сы – балалар әдәбияты, 58-е – рус телендә чыккан матур әдәбият, 74-е – татар телендәге публицистика һәм фәнни-популяр әдәбият, 66-сы – рус телендәге публицистика һәм фәнни-популяр әдәбият китаплары.
Татарстанның халык язучысы Гәрәй Рәхим җитәкчелегендәге жюри һәрбер номинациядә җиңүчеләрне билгеләде.
Татар телендәге чәчмә әсәрләр:
- 1 урын Дания Гайнетдинованың «Ялгыз таган»;
- 2 урын Фарсель Зыятдиновның «Ата күңеле балада...»;
- 3 урын Рафаил Газизовның «Ачык тәрәзәләр» китапларына бирелде.
Рөстәм Галиуллинның «Васыять», Булат Сәлаховның «Яратылмый калган ярлар» китаплары Кызыксындыру бүләгенә лаек булдылар.
Татар телендәге тезмә әсәрләр:
- 1 урынны Разил Вәлиевнең «Шагыйрь=Поэт=The poet»;
- 2 урынны Фәнис Яруллинның «Сөю бит ул картаюны белми»;
- 3 урынны Гәрәй Рәхимнең «Мин – табылдыклар өстәле» китаплары алды.
Рафис Корбанның «Дуслар җыры» китабы Кызыксындыру бүләгенә лаек булды.
Татар телендәге балалар әдәбияты:
- 1 урынга Гүзәл Әдһәмнең «Әбием кем исемле?»;
- 2 урынга Нурия Сәйярнең «Әтәч менгән киртәгә»;
- 3 урынга Илүсә Нәбиуллинаның «Батыр керпе» китаплары чыкты.
Флера Мәрданованың «Зилзилә, Зиләйлүк һәм Җилбәзәк» китабы Кызыксындыру бүләгенә лаек булды.
Рус телендә чыккан матур әдәбият:
- 1 урын Фирүзә Җамалетдинованың «Рассказы»;
- 2 урын Аяз Гыйләҗевнең «Давайте помолимся!»;
- 3 урын Ольга Иванованың «Нурсолтан» китапларына бирелде.
Равилә Шәйдуллина-Моратның «Ялантау» китабы Кызыксындыру бүләгенә лаек булды.
Татар телендәге публицистика һәм фәнни-популяр әдәбият:
- 1 урынга Нурмөхәммәт Хисамовның «Тукай: бөеклеге һәм фаҗигасе»;
- 2 урынга Фираз Харисов белән Чулпан Харисованың «Рәсемле татарча-русча тематик сүзлек»;
- 3 урынга Туфан Миңнуллинның «Безгә бер җыр кирәк» китаплары чыкты.
Нурзия Сергееваның «Тылсымлы бизәк=Магия узора» китабы Кызыксындыру бүләгенә лаек булды.
Рус телендәге публицистика һәм фәнни-популяр әдәбият:
- 1 урынны Булат Солтанбәковның «Гумер Усманов»;
- 2 урынны Азат Әхмәдуллинның «Фатхи Бурнаш»;
- 3 урынны Рушан Шәмсетдиновның «Живопись. Графика» китаплары алды.
Сергей Беловның «Татарские промышленники», Руслан Бушковның «Казанское угощение» китаплары Кызыксындыру бүләгенә лаек булдылар.