«Курай моңлы әкиятче апа»

Балалар язучысы Роза Сәет кызы Хафизова 1929 елның 6 февралендә Татарстан Республикасының Бөгелмә шәһәрендә туа. Роза Хафизова – үзенең әдәби иҗатын тулысынча диярлек балаларга багышлаган язучыларның берсе. Аның нәниләр өчен әкиятләре һәм тәрбияви эчтәлектәге хикәяләре бик күп. Матбугат һәм татар балалар әдәбияты өлкәсендәге хезмәтләре өчен Р.Хафизовага 1974 елда – Татарстанның, ә 1983 елда «РСФСРның атказанган мәдәният хезмәткәре» дигән мактаулы исемнәр бирелә. Язучы 2002 елда Татарстан Язучылар берлегенең А.Алиш исемендәге әдәби бүләгенә лаек була. Ул 2005 елның 20 августында Казанда вафат була.