«Кошларда да кеше язмышы»

     27 февральдә А.С. Пушкин исемендәге Үзәк китапханәнең татар һәм туган як турындагы әдәбият бүлегендә язучы Шәриф Камалның тууына 140 ел тулу уңаеннан «Кошларда да кеше язмышы» дип аталган әдәби кичә узды. Анда Алабугада эшләп килүче “Ышаныч. Доверие” халыкка социаль хезмәт күрсәтү комплекслы үзәгендә социаль хезмәт алучылар катнашты. Китапханәчеләр татар әдәбиятын үстерү эшенә зур өлеш керткән классик язучыларның берсе Шәриф Камал турында сөйләде. Социаль хезмәт алучылар “Шариф Камал. Остров памяти” фильмын карадылар,  “Курай тавышы (“Звучание курая”) әсәрен тыңладылар.