«Китап сүзе яктысы» (0+)

27 май көнне 5 нче санлы китапханәдә ачык ишекләр көне кысаларында Л.Б.Васильев исемендәге Кама автомеханика техникумы студентлары өчен «Китап сүзе яктысы» исемле мәгълүмат сәгате узды. Алып баручы сөйләгәннәрдән балалар рус язуының тарихи-мәдәни мирасы һәм чишмә башы, славян әлифбасына нигез салучылар Кирилл һәм Мефодий турында белде. Чарада катнашучылар вакытлар аралыгында экскурсиядә Борынгы Греция һәм Мисырда булырга, китап һәм китап бастыру барлыкка килүгә материаль нигез булган балчыктан ясалган такталар, папирус, пергамент һәм агач тузында язулар турында мәгълүмат алды. Студентлар Россиянең ерак үткәненә күз салды, туздан ясалган грамоталарны китап бастыру алыштыруның Иван Федоров исеме белән бәйле булуы хакында белде. Бөек рус мәдәниятен төзүчеләр арасында нәкъ менә ул беренче урыннарның берсен алып тора. Видео һәм презентация материаллары кулъязма китаплардан хәзерге заман электрон китапларга кадәр үсеш процессы турында бик күп кызыклы һәм танып белү мәгълүматы алырга ярдәм итте. Гомумроссия китапханәләр көнендә укучылар белән менә шундый очрашулар уздыру бер яхшы традициягә әверелде.

«Тополёк» балалар бакчасында тәрбияләнүчеләр һәм беренче сыйныф укучылары өчен бу көнне китапханәгә килү истәлекле бер вакыйга булды. Китапханәче балаларны экскурсиягә чакырды, яшь китап сөючеләрне китапханә заллары белән таныштырды, китапларның бик күп төрле булуын күрсәтте. Даими укучылар рәтенә басып, алар кызыклы балалар әсәрләре геройлары белән очраша ала. Балалар, үзләреннән соң да пөхтә булып калсын, аны башкалар да укый алсын өчен, китапны дөрес куллану кагыйдәләре белән танышты. Китапханәче әйткән табышмаклар балаларда аеруча зур кызыксыну уятты. Алар өйдә әти-әниләре белән бергәләп укыган китапларын искә төшерде һәм дөрес җаваплар бирде.