Өйнең яме - әнкәйләр!
26 нчы ноябрь көнне әниләр көне уңаеннан Березняк авылында мәдәният хезмәткәрләре һәм китапханәче көче белән әзерләнгән “ Өйнең яме – әнкәйләр!” дигән кичә үткәрелде. Кичәгә авыл фельдшер – акушерлык пунктларында эшләүче хезмәткәрләр чакырылган иде. Кичәнең геройлары: Тимербаева Галина, Карпова Марина, Низаметдинова Зөлфияләр хакында бары тик мактау, рәхмәт сүзләре генә яңгырады. Кичәнең концерт программасында Фәнил Ягудинның, Илшат Габделхаковның җырлары, шигырь сөючеләрнең шигырьләре, “ Тамчы” бию төркеменең ( җитәкчесе Зәйнәгиева Фәния) чыгышы бәйрәмгә ямь өстәде.