ЛОБО ЛУД ӞАЗЕГЪЁС

Николай Байтеряков

ЛОБО ЛУД ӞАЗЕГЪЁС

 

Лобо, лобо луд ӟазегъёс,

Берто вордскем палъёсазы.

Мӧзмем тэльёс но возь вылъёс

Пумитало куноосыз.

Парен, парен, вожеръяса

Тодмо карзэс, дыр, утчало.

Ыргон гурен жингыртыса,

Возьёс улӟо но сайкало.

Инбам чылкыт туннэ, чылкыт,

Музъем сайка выль кужымен.

Оло, соин азьвыл мылкыд

Пӧсь тулкымен усе сюлме.

Возьмай, возьмай мон тӥледыз,

Возьмай гырлы куараостэс.

Вуиз, вуиз вылез тулыс,

Вуиз ож тыл гудыритэк.

Я тау, туж тау, луд ӟазегъёс,

Тӥляд гырлы куарадылы.

Улэп, улэп на ӟеч улос

Вордскем дуно шаер вылын.

Тани туннэ тулыс инбам

Шаер вылам шудэ лыз-лыз.

Луд ӟазеге отын лоба,

Ӝужа, кырӟа чебер тулыс.

 

Видеоролик можно посмотреть проходя по ссылке https://vk.ru/wall-204569152_1092