Квиз-уен "Мин кулыма китап алам"

Явлаштау авыл китапханәчесе бөек татар шагыйре Габдулла Тукайның туган көненә багышланган «Мин кулыма китап алам» дип исемләнгән интеллектуаль квиз-уен үткәрде. Уенда Явлаштау урта мәктәбенең 6–8 сыйныф укучыларыннан ике команда катнашты.

Уен биш өлештән торды:

• «Балачак хатирәләре»,

• «Тукай әсәрләреннән»,

• «Кызыклы фактлар»,

• «Танып – бел»,

• «Әйтелмәгән мәхәббәт».

Балалар шагыйрьнең биографиясен һәм иҗатын белүләрен күрсәттеләр, шулай ук командада эшли белү сәләтен дә исбатладылар. Интеллектуаль квиз-уен эрудицияне тикшерү генә түгел, ә әдәбият һәм тарих сөючеләр өчен чын бәйрәм булды.