Китаплар йорты

23 нче балалар бакчасында тәрбияләнүчеләр белән китапханә буйлап экскурсия үткәрелде. Анда балалар «китапханә» төшенчәсе, китапханә укучысы булу, укучылар формуляры нәрсә икәнлеге турында белделәр. Балаларга өйләренә әдәбият бирү шартлары, китап куллану кагыйдәләре һәм китапханәдә үз-үзеңне тоту турында сөйләп үтелде. Шулай ук кечкенә дусларыбыз «Татар халкының борынгы көнкүреше» диеп аталган мини музей белән таныштылар. Алга таба балалар белән «Әкияттәге могҗизалар юлы» дигән кечкенә генә викторина үткәрелде.