«Икмәк-иң зур байлык»

Илнең иң зур байлыгы ул – икмәк. Икмәк авыр хезмәт белән үстерелә. Аның өчен игенчеләр күп көч куялар. Укучыларга игенче хезмәте турында күзалларга булышу һәм икмәккә карата зур хөрмәт хисе тәрбияләү максатыннан уңыш бәйрәме үткәрелде. Чара барышында балалар алтын бөртекләрнең туфракка ничек чәчелеп үскәнен, уңышның ничек җыелып икмәк булганын белделәр. Икмәк турында мәкальләр, табышмаклар тыңладылар. Икмәккә хөрмәт йөзеннән укучылар шигырьләр сөйләделәр, җырлар җырладылар.