Карга боткасы

Карга әйтә: кар, кар,
Туем җитте, барр, барр,
Ярма, күкәй алып бар,
Сый, маеңны салып бар.
Ипи-чәең алып бар..
Өйдәме тутәй, тизрәк бир күкәй.
Бирсәң безгә өч күкәй
Тавыгың салыр йөз күкәй.
Язны каршы алу белән бәйле традицияләрнең төрле халыкларда үзенең якты, характерлы үзенчәлекләре бар. “Карга боткасы” - татар һәм башкорт халыкларының популяр борынгы бәйрәмнәренең берсе. Бу - язны каршы алу бәйрәме, шуңа күрә кара каргалар килгәч, халык бәйрәм оештырган.
29 апрель көнне Ташлык мәдәният йорты - СДК Ташлык мәдәният йорты белән Шәңгәлче авыл китапханәсе берлектә «Карга боткасы» бәйрәме үткәрде.Чарада балалар бу бәйрәмнең гореф-гадәтләре һәм йолалары турында белделәр.
Балалар өчен чын күңел ачу чарасы оештырды: аларны халык уеннарына, әйлән-бәйләнгә җәлеп иттеләр, яз турында, кош-корт турында әңгәмә, милли ярышларда катнашырга тәкъдим иттеләр. Әлбәттә, җиңүчеләрне бүләкләр көтә иде. Уеннан канәгать калган балалар карга боткасы, коймак ашадылар, хуш исле чәй эчтеләр. Бәйрәм мәҗлесеннән соң кош-кортларны да сыйладылар. Аларның күңелен күтәрү өчен, ботка калдыкларын ташларга, агачларга, агач төпләренә салдылар, табигать көчләренә, кошларга мөрәҗәгать иттеләр, муллык, уңдырышлылык, уңыш сорадылар. Бәйрәмнең максаты балаларны ата-бабаларыбызның милли бәйрәме, аның тарихы һәм халык тормышындагы әһәмияте белән таныштыру иде. Нинди матур,шәп халык бәйрәмнәре, алар икенче тапкыр туу ала! Балалар һәм кунаклар яхшы кәеф белән өйләренә таралдылар.