Татарстан Республикасының ГабдуллаТукай исемендәге Дәүләт премиясе лауреаты, Татарстанның халык шагыйре Гамил Афзалның тууына100 ел. Гамил Афзал иҗатының олы мәгънәсе ил өчен, кешеләр өчен шатлык һәм матурлык раслаудан гыйбарәт. Аның шигырьләре - ачык һәм гади. Катлаулы темаларны да шагыйрь җиңел аңлаешлы һәм үтә күренмәле итеп сурәтли. Шагыйрь әйтергә теләгән фикерләрне әллә кайлардан, сүз араларыннан, сүзләрнең әйтелмәгән мәгънәләреннән эзләп баш ватасы юк - ул шигырьнең үз сүзләрендә, детальләрендә, сурәтләрендә. Үзәк китапханәдә Гамил Афзалның тормыш юлы һәм иҗатына багышланган “Шагыйрьнең күңел җылысы” дип исемләнгән китап күргәзмәсе ясалды.