«Чаллы – дуслар каласы»

Искәртү урнаштыру:   /   Скачать бу календаре

22 февраль көнне Халыкара Туган тел көне кысаларында шәһәр үзәк китапханәсендә ел саен уздырылучы «Чаллы – дуслар каласы» төбәк халыкларының милли мәдәнияте һәм әдәбиятын чагылдырган IX китапханә фестивале узачак. Ул Чаллы шәһәренең «Чишмә» Халыклар дуслыгы йорты белән берлектә оештырыла.
Фестивальдә татар, рус, башкорт, чуваш, әрмән ансамбльләре вәкилләре һәм мәктәп укучылары, шәһәрдәшләр катнашачак. 
Фестиваль кысаларында төрле мәйданчыклар эшләячәк:
 - Фәнни-технологик үсеш елына багышланган экскурсия;
- «Халык бизәкләре һәм орнаментлары» мастер-классы;
- «Борынгы йолаларыбыз» белгечләр турниры;
- Әдәби-күңел ачу программасы.

Чарага килүчеләр үз көчләрен һәм белемнәрен сынап карый, үз халыкларының җыр-моң традицияләрен искә төшерә алачак. Теләге булганнар яраткан халык, өстәл, бишек җырларын җырлый алачак. 

Бәйрәмгә рәхим итегез!