«Сугыш хатын-кыз йөзле түгел…»: телдән журнал (6+)

12 нче санлы китапханә мәктәп укучылары өчен «Сугыш хатын-кыз йөзле түгел…» дигән телдән журнал уздырды. Китапханәче сугышта хатын-кызлар – очучылар, разведчиклар, элемтәчеләр һәм шәфкать туташлары – Бөек Ватан сугышында катнашкан чын солдатларның үлмәс батырлыгы турында сөйләде. 500 меңләп хатын-кыз Ватанны саклаучылар сафына баса. Бөек Ватан сугышының данлы елъязмасында Ватанның хәрби бүләкләренә ия булган хатын-кыз исемнәре бик күп.
Балалар Шамил Рәкыйповның «Кызлар – йолдызлар» китабыннан өзекләр тыңлады, документаль кинодан өзекләр карады. Чара өчен Бөек Ватан сугышы елларында совет хатын-кызларының батырлыгы һәм кыюлыгы турында сөйләүче китаплардан торган әдәбиятка күзәтү әзерләнде.  
Чарада укучылар ул дәһшәтле сугыштан күпләргә кире әйләнеп кайтырга насыйп булмавы турында искә төшерде. Геройлар турында хәтер безнең йөрәкләрдә мәңге сакланачак.