Мәгълүмат сәгате «Ялкын»га – 100 ел

Балалар китапханәсе – 3нче филиалда  балалар һәм яшүсмерләр өчен чыга торган «Ялкын» журналына 100 ел тулу уңаеннан мәгълүмат сәгате узды. Китапханәче укучыларга журналның бай тарихы турында сөйләде. Журнал  битләрендәге «Шәхес», «Ачыш», «Тәҗрибә» кебек кызыклы сәхифәләр белән таныштырды. Әлеге басмада балалар һәм яшүсмерләрне нәрсә кызыксындыра, аларны нәрсә борчуын белеп тора торган  талантлы журналистлар эшли.

«Ялкын» журналы 1924 нче елның мартыннан чыгып килә. 1984 елда «Ялкын»  журналы Почет билгесе ордены белән бүләкләнә.  Муса Җәлил, Абдулла Алиш исемендәге премияләр лауреаты. 2007, 2008 нче елларда  «Матбугатның алтын фонды» билгесенә лаек булды.