" Туган телем - татар теле ". Әдәби кичә.

21  февраль  көнне китапханәдә  Халыкара  Туган  тел  көне  уңаеннан 1-4  класс  укучылары   белән  “ Туган  телем – татар  теле “  дигән  әдәби  кичә  үткәрелде . Китапханәче  балаларны  Туган  тел  көненең  тарихы  белән  таныштырды. Балалар  табышмакларга  җавап  таптылар , мәкальләрнең  дәвамнарын  әйтеп  бетерделәр , җырлы – биюле  уеннарда  катнаштылар. Татар  халык  әкиятләре  буенча  эшләнгән  мультфильмнар  карадылар. Туган  тел  турында  шигырьләр  сөйләү  бәйгесе  оештырылды. “ Иң  татлы  тел -  туган  тел “ дигән  китап  күргәзмәсенә  күзәтү  ясалды.

Кичә  Г. Тукайның  “ Туган  тел ” җыры  белән  тәмамланды.