РФ Мәдәният министрлыгы Россия киносы елы логотибын тәкъдим итте
2015 елның 7 нче октябрендә РФ Президенты Владимир Путин киләсе елда Россия киносы елын уздыру турындагы указга кул куйды. Шул уңайдан Россия Федерациясе Мәдәният министрлыгы илебезнең кино сәнгатен үстерү турында чаралар комплексын эшләде, шулай ук Россия киносы елының рәсми билгесен (эмблемасын) тәкъдим итте. Анда тиешле язма белән ертып алына торган билет һәм Россия Федерациясе флагы төсендәге өч турыпочмаклык сурәтләнгән.