Китапханәләрнең мәдәният һәм сәнгатькә караган иң яхшы электрон басмасы VI Бөтенроссия смотр-бәйгесе

Китапханәләрнең  мәдәният һәм сәнгатькә караган иң яхшы электрон басмасы VI Бөтенроссия смотр-бәйгесендә катнашырга чакырабыз. Әлеге бәйгене оештыручылар: Федерация Советының Фән, мәгариф һәм мәдәният  комитеты; Дәүләт Думасының Мәгълүмати сәясәт, мәгълүмати технологияләр һәм элемтә комитеты; Дәүләт Думасының Мәдәният буенча комитеты; Мәдәният Министрлыгының Мәгариф һәм  фән департаменты һәм Россия Дәүләт китапханәсе. Смотр-бәйгенең оештыручы-операторы Россия Дәүләт китапханәсе.

Әлеге бәйгенең төп максаты – китапханәләрнең мәдәният һәм сәнгать өлкәсендәге мәгълүмати эшен үстерү һәм камилләштерү.

Смотр-бәйге түбәндәге номинацияләр буенча уздырыла:

  • «Мәдәният һәм сәнгатькә караган иң яхшы электрон басма»,
  • «Мәдәният һәм сәнгать  өлкәсе белгечләренә ярдәмгә иң яхшы мәгълүмати басма»,
  • «Китапханәләрнең мәдәният һәм сәнгать өлкәсендәге мәгълүмати эшен оештыруга караган иң яхшы методик басма»,
  • «М. И. Цветаеваның 125-еллык юбилеена багышланган иң яхшы электрон басма»,
  • «К. Г. Паустовскийның 125-еллык юбилеена багышланган иң яхшы электрон басма».

Смотр-бәйгегә китапханәләр үзләре генә, яки башка  оешмалар белән берлектә 2015-2017 нче елларда төзегән электрон басмалар кабул ителә. Бәйгенең нигезләмәсе, гариза формасы һәм башка документлар Россия Дәүләт китапханәсенең рәсми сайтында урнаштырылган.

Гаризаларны Россия Дәүләт китапханәсенә түбәндәге адрес буенча җибәрергә: 119019, Мәскәү шәһәре, Воздвиженка ур., 3/5. РДК («Смотр-бәйгегә» тамгасы белән). 2017 нче елның 30 июне – гаризалар тапшыруның соңгы көне.

Башка яңалыклар