"Җыр булса - шундый булсын"

15 январь көнне Аю авыл китапханәсендә "Балкыш" клубының чираттагы очрашуында якташ язучыбыз Гөлшат апа Зәйнашеванын тууына 90 ел тулу уңаеннан "Җыр булса - шундый булсын" дигән чара узды.
Китапханәче язучының тормыш юлы һәм иҗаты белән таныштырды. Сәхнәгә беренче тапкыр Г. Зәйнашева җыры белән аяк баскан яшь җырчы кызыбыз Әльвинә Фаррахова шагыйрә сүзләренә язылган җырларны башкарды.