Городская детская библиотека - филиал № 17

Җир чәчәкләр белән елмая (6+)

17 нче санлы китапханәдә мәктәп яны лагерена йөрүче балалар өчен «Җир чәчәкләр белән елмая» дигән танып-белү уены үткәрелде. 

Китапханәче белән бергә яшь китап сөючеләр чәчәкләр турында риваятьләрне, чәчәкләр турында сүз барган әдәби әсәрләрне искә төшерде. Балалар чәчәкләрнең дә кешеләр кебек үк сөенә, ямансулый алуы, яхшылык һәм явызлыкны тоюлары турында белде.  

Балалар «Чәчәкле алан» викторинасында катнашты, чәчәкләр турында табышмаклар чиште һәм җырлар җырлады. «Чәчәкне ата» һәм «Чәчкәләрне гөлләмәгә җыйык» бәйгеләре аларга аеруча ошады. 
Чара азагында укучылар барлык кешеләр дә чәчәкләрне сакларга, якларга һәм кайгыртырга тиеш дигән нәтиҗә ясады.