Городская детская библиотека - филиал № 17

«Исемең ничек?» уен-дәресе (0+)

«Сәйлән» клубы кысаларында, 17 нче санлы китапханә хезмәткәрләре мәктәпкәчә яшьтәге балалар өчен «Исемең ничек?» уен-дәресе уздырды.

Китапханәче балаларны татар халкының исем кушу йоласы белән таныштырды. Яшь китап сөючеләр татарларда исем кушу - зур бәйрәм булуы турында белде. Аның хөрмәтенә кунаклар өчен сый тулы табын әзерләнә. Йолада мулла һәм өлкән яшьтәге ир-атлар, шулай ук баланың туган-тумачасы катнаша. 

Балалар исемнәр һәм аларның мәгънәсе турында күп кенә яңа мәгълүматлар, исем һәм характерның бәйләнеше турында белде. «Каравай», «Исемне ата» уеннары үз исемнәренең матурлыгын күрергә һәм аның белән горурланырга ярдәм итте. 
Чара азагында балаларга баш геройлар исемнәре белән аталган «Гөлчәчәк», «Камыр батыр» әкиятләреннән өзекләрне укыдылар.