«Туган телем — назлы гөлем» әдәби бәйрәме (6+)

20 февральдә 12 нче санлы китапханә хезмәткәрләре кече мәктәп яшендәге укучылар өченХалыкара туган тел көненә багышланган «Туган телем — назлы гөлем» дигән әдәби бәйрәм уздырды. Балалар китапханәченең Туган тел көненең әһәмияте турында сөйләгәнне тыңлады, шулай ук татар теленең тарихы һәм бай мирасы белән танышты. Алар әлеге телдә сөйләшүчеләрнең аны ни өчен яратуы һәм кадерләп саклавы турында белде. Телнең чисталыгын, аны бозып сөйләшүдән, жаргон һәм цензурасыз сүзләрдән саклауның мөһимлегенә аерым игътибар бирелде.

Чарада активлык күрсәтеп, укучылар бик теләп татар теленең үзенчәлекләренә кагылышлы табышмакларны чиште, танылган мәкальләрне дәвам итте, канатлы гыйбарәләрнең мәгънәсен аңлатты һәм игътибарлылыкны, зиһенлелекне һәм фикерләү активлыгын үстерүгә юнәлдерелгән күңелле уеннарда катнашты. Балаларның яраткан уеннары арасында «Сүзләр-йөзекләр», «Бер-күп», «Чагыштыр», «Сүзләр киресенчә» һәм «Шаян сораулар» бар иде.