“Бәрәңге бәйрәме”

    Иске Үтәмеш авыл китапханәсендә “Хуҗабикә” клубына йөрүче хатын- кызларыбыз белән “Бәрәңге бәйрәме” уздырылды.   Кичәне оештыручы китапханәче  барлык кунакларны бәрәңгенең  килеп чыгу тарихы белән таныштырды. Бакчачыларга киңәшләр бирде. Организмга файдасы һәм зыяны турында сөйләде.   Хатын-кызларыбыз бергәләшеп  мәкаль­ләрне   искә тө­шерде ,  табыш­мак­ларга җа­вап  бирделәр, кызык­лы викторинада да­ катнаштылар.Һәрбер   кунак кичәгә бәрәңгедән әзерләнгән ризык алып килде  һәм  рецептлары белән уртаклаштылар.