"Керпене саклыйк" акциясе
2017 ел –Россиядә Экология елы . Шул уңайдан Иске Үтәмеш авылы китапханәсендә иске батарейкаларны җыю буенча «Керпене саклыйк» акциясе бара. Бер батарейка бер керпе яши ала торган территорияне авыр металлар белән зарарлый. Батарейкалар , туфракка эләгеп , бу җирне җәнлекләр яши алмаслык дәрәҗәгә җиткерәләр. Шуңа да аларны махсус утильләштерергә кирәк. Батарейкалар махсус савытка җыела. Бу акциядә авыл халкы актив катнаша башлады.
Әйләнә-тирә мохит проблемаларына битараф булмаган һәркем файдаланылган батарейкаларны алып килә.