15 февраль - Совет гаскәрләрен Әфган җиреннән чыгарып бетергән көн.
2011 елдан башлап, Россиядә мөһим истәлекле дата - Ватаннан читтә хезмәт бурычын үтәгән россиялеләрне искә алу көне билгеләп үтелә. Ул 2010 елның 29 ноябрендә РФ Президенты тарафыннан имзаланган «Россия хәрби дан һәм истәлекле даталары көннәре турында» Федераль законның 1.1 статьясына үзгәрешләр кертү хакында» 320-ФЗ номерлы Федераль закон белән расланды. 1989 елның 15 февралендә совет гаскәрләрен Әфганстаннан чыгару тәмамланды. 15 февраль - бу вакыйганы искә төшерү өчен, шулай ук Әфган сугышыннан кайтмаган 14 меңнән артык совет солдаты һәм офицеры истәлегенә билгеләнгән.