#Моңсарылганкөзенкаеннарга

16 нчы сентябрь көнне ике авыл китапханәләре, күрше авылда яшәүче иҗатны, китапны яратучылар арасында очрашу булып узды. Очрашу урыны итеп көзге урман, чишмә буе юкка гына сайланмады. Төрле төскә кергән көзге урман, челтер-челтер агучы шифа сулы чишмә тагын да илһамландыра, күңелне күтәрә, җанга тынычлык бирә. Очрашуга килгән апалар үзләре иҗат иткән, үзләре яратып укыган шагыйрьләрнен шигырьләрен укыдылар, яшьлек хәтирәләре белән уртаклаштылар. Очрашу табигать кочагында чишмә суыннан кайнаткан самавырдан чәй эчү белән тәмамланды. Бу мизгелләр бик күпкә күңелләрдә сакланыр әле.