“Мин кояшны ясыйм”

1 июнь - Балаларны халыкара яклау көне уңаеннан,Чубар-Абдул авыл мәктәбе каршында оешкан җәйге лагерьга йөрүче балалар белән “Мин кояшны ясыйм ” дигән асфальтта рәсем ясау конкурсы оештырылды. Балалар чын рәссамнар шикелле асфальтка сурәт төшерделәр. Акбур белән ясаган рәсемнәрдә - аларның гаиләләре, дуслары, яраткан уеннары, җәй бизәкләре һәм, әлбәттә, тынычлыкны чагылдырган, барысында да нур сибүче кояш.