«Китапларда язгы букет могҗизасы»

Китапханәдә гүзәл затларыбызга багышланган «Китапларда язгы букет могҗизасы» дип исемләнгән китап күргәзмәсе оештырылды һәм әңгәмә узды. Күргәзмә матур әдәбиятта һәм тарихи әсәрләрдә хатын - кыз образына багышланды. Әңгәмә вакытында укучылар яратып укыган китапларга аерым игътибар бирелде. Болар - татар авторлары З.Кадыйрова, Г.Галимуллина, Ә.Әхмәтгалиева, Х.Ширман, М.Маликова һ.б. Бу китапларда укучылар гаҗәеп көчле рухлы һәм шул ук вакытта бик назлы да булган хатын-кыз образлары белән таныштылар. Исемнәре илебез тарихына язылган төрле чорлардагы бөек хатын-кызлар язмышы турындагы китаплар белән дә таныштылар. Әйе, гүзәл затлардан башка тормышны күз алдына да китереп булмый. Хатын- кыз яңа тормыш бүләк итә. Гаиләдә ул- йортка ямь, нур, җылылык өстәүче хуҗабикә, сабые өчен - назлы әни, ир-ат өчен - сөекле хатын. Әлеге күркәм сыйфатларны үзенә җыйган хатын- кыз образы язучыларыбызның күп кенә әдәби әсәрләрендә чагылдырылган.