«Хәтерлибез сезне, Беслан балалары»

3 сентябрьдә Россиядә терроризмга каршы көрәштә теләктәшлек көне билгеләп үтелә. 2004 елның 1-3 сентябрендә Төньяк Осетиядә бөтен Россияне генә түгел, бөтен дөньяны тетрәндергән фаҗига булды. 1 сентябрь иртәсендә террорчылар Беслан шәһәренең 1 нче мәктәбе территориясенә бәреп керә һәм тоткыннарны кулга ала. Өч көн балалар һәм өлкәннәр 1128 кеше мәктәпнең спорт залында су һәм ризыксыз торалар. Террор һөҗүме нәтиҗәсендә 334 кеше һәлак була, шул исәптән 318 тоткын, шуларның 186сы балалар. Бу дата уңаеннан китапханәдә «Хәтерлибез сезне, Беслан балалары» хәтер дәресе узды. Террорчылыкның дөньяга нинди куркыныч тудыруы турында сөйләштек. Шулай ук спецназ, укытучылар, тәрбиячеләр, ата-аналарның батырлыгы, балаларның кичергән авырлыклары турында сөйләдем. “Больно помнить, забыть страшно” видеоролик карадык. Һәлак булганнар истәлегенә бер минут тынлык белән искә алдык, дөньяларыбыз тынычлансын дигән нәтиҗә ясадык.