“Пушкин әкиятләре буенча”

Ел саен 6 июньдә Россиядә Пушкин көне билгеләп үтелә. Бу дата юкка гына сайланмаган, бу көнне рус халкының бөек язучысы А.С. Пушкинның туган көне. Татар-Шуган авыл китапханәсе “Пушкин нон-стоп” республикакүләм А.С. Пушкинның яраткан әсәрләрен нон-стоп укыйбыз” акциясенә китапханә укучылары белән кушылды. Шулай ук китапханәдә бәйрәмгә А. С. Пушкинның китапларыннан күргәзмә оештырылды. Күргәзмә янында язучының әсәрләре, аның биографиясе һәм иҗаты искә алынды. Аның тылсымлы әкиятләре, шигырьләре, аларның геройлары балачактан ук таныш һәм һәркемгә аңлаешлы. Чарада катнашучылар “Пушкин әкиятләре буенча” блиц-опроста катнашып сорауларга җавап бирделәр.