#Данис_Хайруллин_иҗаты

Бөтен нәрсә туган җирдән, балачактан башлана. Гадәтләр һәм холык- фигыльләр, максат һәм хыяллар шул чакта ук барлыкка килә. Язмыш та, тарих та синең өчен шунда языла башлый. Туган җирдәге һәр чәчәк, һәр үлән, һәр агач, һәр җәнлек синең якын танышыңа әйләнә. Һәркем өчен үзенең туган ягы, туган авылы, һичшиксез, кадерле.Туган яктан илһам алып иҗат итүче авылдашларыбызның күңел җимешләре безнең өчен зур бүләк. Шундый авылдашыбызның берсе, язучы Данис абый Хайруллинның "Сагыну" китабында төрле елларда иҗат иткән шигырьләре, җырлары урын алган. Китап белән тулырак китапханәдә танышырга мөмкин.