"Балаларны яклау көне!"

  Бүген бәйрәм көн.

Балаларны яклау көне!
Матур бер бәйрәм бүген.
Кара болыт капламасын,
Баланың аяз күген.

Шатлык нуры бөркеп торсын,
Һәрчак аның күңеле.
Кирәксезгә яшь түкмәсен,
Тыныч булсын йөрәге.

Яшәсен барлык бала да,
Имин,матур тормышта.
Күкрәп үтсен балачагы,
Ата-ана назында.

Кителмәсен күңелләре,
Сау-сәламәт булсыннар.
Йөзгә кызыллык китерми,
Гомер юлын узсыннар!