"Кечкенә дусларга”
15 февраль көнне Сәпәй авыл балалар бакчасында Муса Җәлил иҗатына, туган көненә багышланган "Кечкенә дусларга" дип исемләнгән шигърият кичәсе оештырылды. Әлеге кичәдә балаларны Муса Җәлилнең тормышы, иҗаты белән таныштырдым. Бөек шагыйребезнең “Кечкенә дусларга” китабыннан шигырьләрен укыдык. Шигърият кичәсенең максаты — татар әдәбиятын, мәдәниятен һәм Муса Жәлилнең иҗатын тирәнтен өйрәнү, халкыбызның батыр уллары үрнәгендә тәрбияләү. Балалар бик кызыксынып тыңладылар, язучының китаплары белән таныштылар.