«Гөлләр-тормыш яме»

Бүген, 15 октябрь көнне «Авыл яши» проекты кысаларында китапханәбездә 9-11 сыйныф укучылары өчен «Гөлләр-тормыш яме» дип исемләнгән очрашу үтте. Очрашуыбызның төп кунагы, авылыбызның чәчкәләр патшасы - Әлфия апа Авзалова булды. Әлфия апа үзе турында, чәчкәләргә туган мәхәббәте, аларны ничек саклап үстерү турында сөйләде. Ә очрашуның икенче өлеше - практика. Чыгарылыш сыйныф укучылары сыйныф житәкчеләре белән берлектә, мәктәпкә истәлек итеп гөл утырттылар. Бик тә күңелле,эчтәлекле һәм рәхәт очрашу булды. Барлык укучыларга, аларның сыйныф житәкчеләренә зур рәхмәт! Ә аеруча рәхмәтебезне, чәчәкләр патшасы Әлфия апа Авзаловага! «Бер күрешү- үзе бер гомер!»