"Һәр әсәре - тәрбия дәресе"
Китапханәдә күренекле язучы, драматург, публицист Мәдинә Маликованың 90 яшьлек юбилее уңаеннан "Һәр әсәре - тәрбия дәресе" дип исемләнгән әдәби кичә узды. Мәдинә Маликова - роман язган беренче татар хатын-кызы. Аның әсәрләрендә яшьләр арасында мөнәсәбәт, гаилә һәм тәрбия темалары үзәк урынны алган. Чарада катнашучылар әдибәнең журналист буларак "Сөембикә" журналында эшчәнлеге белән таныштылар. Китапханәче язучының әсәрләренә күзәтү ясап, китаплар тәкъдим итте.