#Ватансакчысыелы

Бүгенгесе көндә илләребез тыныч түгел. Инде өченче елын Украина җирлегендә барган махсус хәрби операциядә ватандашларыбыз илебез иминлеген саклый. Сугыш корбаннарсыз булмый. Авылдашыбыз Фазлыев Алик Таһир улы да үз теләге белән сугышка китеп, батырларча һәлак булды. Китапханәдә Алик истәлегенә кичә узды. Чарада Аликның әнисе, авылдашлар, Сарлы урта мәктәбе укучылары һәм укытучылары, китапханәчеләр катнашты. Алик турында истәлекләр белән бүлештек, авылдашыбызның яу кырында күрсәткән батырлыгы хакында хәрби бүлек командирының юллаган рәсми хаты белән таныштык, бер минутлык тынлык белән батыр егетебезне искә алдык.