"Балачак -иң бәхетле чак".
1 июнь – Халыкара балаларны яклау көненә карата Мәдәният Йорты каршында бәйрәм оештырдык. Салкын көннәрдән соң кояш та бәйрәмчә елмайды бүген. Авылда даими яшәүче һәм әби-бабайга җәйге каникулларга кайткан балалар бер-берсе белән аралаштылар, ике командага бүленеп, хәрәкәтле уеннарда көч сынаштылар. Әниләр, әбиләр балаларга көч биреп тордылар.Чарадан соң шау чәчәкле алмагачлар каршында фотога төштек.