“Һәр әсәре һәйкәл итеп куярлык”
Китапханәдә Татарстанның халык артисты, сынчы, нәкышчы, сценограф Бакый Урманчега багышланган танып-белү сәгате узды. 21нче февральдә аның тууына 125 ел. Әдәбиятта Тукайны атасак, сынлы сәнгатьтә иң танылган татар рәссамы - Бакый Урманче. Чарада Бакый Урманченың тормыш юлы һәм иҗаты, рус, татар, казах, үзбәк сәнгатенә керткән саллы өлеше турында информация бирдем. Китап-альбомнардан рәссамның әсәрләре белән таныштык. Балалар үзләре дә рәсем ясауда үзләрен сынап карадылар.