"Халыкара шахмат көне."

Буралы авыл китапханәсе - шахмат уены белән кызыксынган, мавыккан балаларны, шахмат спорт төрендә яхшы нәтиҗәләр яулаган авылдашларыбызны бу бәйрәм белән тәбрик итә. Хәерова Ралина, Рамис кече яшьтә булуларына карамастан шахмат уенына битараф түгелләр. Шахмат уенының башлангычларына өйрәтә торган китаптан бергәләп укып, карап, өйрәнеп, практик уенга күчә алган балаларыбыз - алдагы тормыш юллары буйлап, уйнагандагы кебек үк, уйлап кына, барысын да алдан күреп атлый торган булып, фикерле, сәләтле булып үссеннәр иде.