Роберт Миңнуллин истәлегенә.

 Татарстанның халык шагыйре Роберт Миңнуллин истәлегенә.

Кеше гомерләре бигрәк кыска..

Сизелми дә хәтта калына.

Әйтерсең лә гомер учаклары

Бер мизгелгә генә кабына.

Кеше гомерләре бигрәк кыска..

Бер сүнә дә кабат кабынмый.

Һәрберебезгә дә кагыла ул,

Шагыйрьләргә генә кагылмый.

Син нечкә күңелле идең,

Шигырь һәм моң баласы..

Син үзең киттең дә бардың,

Ә безгә-моңланасы.

Югалтмагыз,арагызда

Бик сирәк булсам...

Шигырьләремнән табарсыз,

Бик кирәк булсам.

Р.Миңнуллин.