Брошь ясау буенча мастер - класс

 Мәгълүм булганча, татар халкы элек-электән бик тырыш, чиста, пөхтә халык буларак билгеле, гади генә кием-салымны да алар төрле ысуллар белән бизи торган булганнар. Бигерәк тә хатын кызларыбыз төрле бизәнү әйберләре  тагып йөрергә яратканнар.

Игътибар иткәнегезчә соңгы елларда узебезнең милли бизәкләр төшерелгән киемнәр киеп я булмаса бизәну әйберләре тагып йөрү модага кереп китте. 29 гыйнвар көнне шәһәребезнең С. Рәфыйков исемендәге үзәк китапханәсендә брошь ясау буенча мастер - класс үтте. 

                   Чара барышында һәркем үзенә брошь ясады. Катнашучылар төрле материаллар кулланып брошка ясау техникасы белән таныштылар. Эшләнмәне ясау өчен төсле атлас ленталар, фоамиран, брошка өчен нигез  кулланылды. Мастер- класста шулай ук  кул  эшләнмәләре турында китаплар һәм хезмәтләр  күргәзмәсе тәкъдим ителде.