«Мөдәррис Әгъләмовның шигъри дөньясы» әдәби кичә

Ноябрь аенда районыбызда укучыларны китапка, шигърияткә, әдәбиятка тарту максатыннан якташыбыз, Татарстанның халык шагыйре, Габдулла Тукай исемендәге дәүләт премиясе лауреаты, Татарстан Республикасының атказанган мәдәният хезмәткәре   Мөдәррис Әгъләмов шигырьләрен сәнгатьле итеп сөйләү буенча һәм аның әсәрләренә атап ясалган рәсем һәм кул эшләре  бәйгеләре игълан ителгән иде. Шул уңайдан 26 ноябрь көнне С. Рәфыйков исемендәге үзәк китапханәдә,  «Мөдәррис Әгъләмовның шигъри дөньясы» дип исемләнгән әдәби кичә узды. Китапханә фойесында шагыйрьнең тормыш юлы һәм иҗатына багышланган китап  һәм рәсем бәйгесендә катнашучыларның иҗат җимешләреннән торган күргәзмә оештырылган иде. Чара барышында М. Әгъләмовның шигырьләре, аның   турында истәлекләр         яңгырады, бәйгегә нәтиҗәләр ясалды. Кичә матур җырлар белән үрелеп барды.